Virat Kohli Anushka Sharma : मैत्री, प्रेम, ब्रेकअप ते लग्न; 'अशी' आहे विराट-अनुष्काची 'प्यारवाली लव्हस्टोरी'

Virat Kohli Anushka Sharma : विराट कोहली आणि अनुष्का शर्मा यांच्या लग्नाला सहा वर्षे पूर्ण झाली आहेत.

Virat Kohli Anushka Sharma

Virat Kohli Anushka Sharma Love Story : क्रिकेटर विराट कोहली (Virat Kohli) आणि बॉलिवूड अभिनेत्री अनुष्का शर्मा (Anushka Sharma) आज आपला लग्नाचा सहावा वाढदिवस साजरा करत आहेत. 11 डिसेंबर 2017 रोजी विरुष्का लग्नबंधनात अडकले होते. इटलीमध्ये त्यांचा लग्नसोहळा पार पडला होता. विराट-अनुष्का दोघांचाही मोठा चाहतावर्ग आहे.

विराट-अनुष्काची पहिली भेट कुठे झाली? (Virat Kohli Anushka Sharma First Meet)

विराट कोहली आणि अनुष्का शर्मा यांची पहिली भेट 2013 मध्ये एका शॅम्पूच्या जाहिरातीदरम्यान झाली होती. विराट ज्यावेळी अनुष्काला पहिल्यांदा भेटला त्यावेळी तो थोडा घाबरलेला होता. पहिल्याच भेटीत विराटच्या एका वाक्यामुळे अनुष्का संतापली होती. विराट म्हणाला होता,"तू उंच हिल्स घातले आहेत, असं तुला वाटत नाही का?". विराटच्या या बोलण्याने अनुष्काला राग अनावर झाला आणि ती क्रिकेटरला म्हणाली होती,"एक्सक्यूज मी". 

विराट आणि अनुष्का लग्नाआधी अनेकवर्षे एकमेकांना डेट करत होते. मुंबईत विराट आणि अनुष्काला अनेकदा एकत्र स्पॉट करण्यात आलं. 2014 मध्ये मेलबर्न येथील सामना पाहायला अनुष्का गेली होती. त्यावेळी विराटने न भूतो न भविष्य अशी कामगिरी केली. त्याच्या उत्तम कामगिरीनंतर अनुष्काने त्याला स्टेडियमधून फ्लाइंग किस दिलं. त्यानंतर खऱ्या अर्थाने विराट-अनुष्काच्या डेटिंगच्या चर्चांना सुरुवात झाली. अखेर 11 डिसेंबर 2017 रोजी संसार थाटत त्यांनी या चर्चांना पूर्णविराम दिला. पण लग्नाआधी विराट आणि अनुष्काचा ब्रेकअप झाल्याच्या बातम्या समोर आल्या होत्या. त्यावेळी सलमानने त्यांचं नातं वाचवलं असं म्हटलं जातं.

विराट अनुष्काचा शाही विवाहसोहळा

विराट-अनुष्काचा शाही विवाहसोहळा होता. 50 खास पाहुण्यांच्या उपस्थित इटलीमध्ये त्यांचा लग्नसोहळा पार पडला. लग्नसोहळा पार पडलेल्या पंचतारांकित हॉटेलमध्ये एका व्यक्तीचा राहण्याचा खर्च एक कोटी रुपयांच्या आसपास आहे. त्यामुळे लग्नासाठी आलेल्या पाहुण्यांवरच विरुष्काने 50 कोटी रुपयांचा खर्च केला आहे.

'विरुष्का' करतात कोट्यवधींची कमाई!

विराट आणि अनुष्का कमाईच्या बाततीत खूपच पुढे आहेत. जीक्यू इंडिया मॅक्झिनच्या रिपोर्टनुसार, विराट कोहलीची एकूण संपत्ती जवळपास 900 कोटींच्या आसपास आहे. तर अनुष्का शर्माची एकूण संपत्ती 350 कोटींच्या आसपास आहे. अनुष्काने आतापर्यंत 19 पेक्षा अधिक सिनेमांत आपल्या अभिनयाची जादू दाखवली आहे. तसेच तिचं स्वत:चं एक प्रोडक्शन हाऊसदेखील आहे. 

संबंधित बातम्या