Vijay Antony Wife Fatima : "तुझ्याशिवाय जगू शकत नाही"; लेकीच्या निधनानंतर अभिनेता विजय अँटोनीच्या पत्नीनं व्यक्त केल्या भावना

Vijay Antony Wife Fatima :  मीराच्या निधनानंतर  विजय अँटोनीची पत्नी फातिमानं (Fatima) एक ट्वीट शेअर केली आहे.या ट्वीटच्या माध्यमातून फातिमानं तिच्या भावना व्यक्त केल्या आहेत. 

Vijay Antony Wife Fatima

Vijay Antony Wife Fatima : तमिळ चित्रपटसृष्टीमधील प्रसिद्ध अभिनेता विजय अँटोनीच्या  (Vijay Antony) लेकीचे काही दिवसांपूर्वी निधन झाले. विजय अँटोनीची मुलगी मीरा हिने 19 सप्टेंबर रोजी आत्महत्या केली. मीराने वयाच्या 16 व्या वर्षी जगाचा निरोप घेतला.  मीराच्या निधनानंतर  विजय अँटोनीची पत्नी फातिमानं (Fatima) एक  ट्वीट शेअर केली आहे. या ट्वीटच्या माध्यमातून फातिमानं तिच्या भावना व्यक्त केल्या आहेत. 

फातिमाचं ट्वीट

फातिमानं ट्वीटमध्ये लिहिलं, "जर मला माहित असते की, तू फक्त 16 वर्षे जगणार आहेस, तर मी तुला माझ्या खूप जवळ ठेवले असते, तुला सूर्य चंद्र देखील दाखवले नसते, तुझ्या विचारांमध्ये मी बुडून मरत आहे, तुझ्याशिवाय जगू शकत नाही, बाबा आणि अम्माकडे परत ये. लारा तुझी वाट पाहत राहते, लव्ह यू थंगम"

If I’d known u will live only for 16 yrs,
I would have just kept u very very close to me,not even shown you to the sun and moon,am drowning and dying with ur thoughts,can’t live without you ,come back to babba and amma.laara keeps waiting for u,love u Thangam⁦@vijayantony⁩ pic.twitter.com/7PAQ5Ji9qp

— Fatima Meera Vijay Antony (@mrsvijayantony) October 9, 2023

विजय अँटोनीनं देखील मीराच्या निधनानंतर एक भावनिक पोस्ट शेअर करुन त्याच्या भावना व्यक्त केल्या होत्या. त्यानं इन्स्टाग्रामवर शेअर केलेल्या पोस्टमध्ये लिहिलं, "प्रिय लोकांनो, माझी मुलगी मीरा एक गोड आणि धाडसी मुलगी आहे. ती आता एका चांगल्या आणि शांत ठिकाणी आहे जिथे जात, धर्म, पैसा, मत्सर, वेदना, गरिबी आणि वैर नाही. ती अजूनही माझ्याशी बोलत आहे.मी तिच्यासोबतच हे जग सोडलं आहे. "

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Antony (@vijayantony)

चेन्नईतील एका लोकप्रिय महाविद्यालयात  विजयची मुलगी शिक्षण घेत होती. मीराने 19 सप्टेंबर रोजी पहाटे 3 च्या सुमारास चेन्नईतील अलवरपेट येथील राहत्या घरी गळफास घेतला. मीराच्या निधनानं विजय अँटोनी आणि  फातिमा  यांच्यावर दु:खाचा डोंगर कोसळला.मीरा ही विजयची मोठी मुलगी होती.  विजय अँटोनीला लारा नावाची आणखी एक मुलगी आहे. 

संबंधित बातम्या: