एक्स्प्लोर

Vicky Kaushal Net Worth : विकी कौशल एका सिनेमासाठी घेतो कोट्यवधी, जाणून घ्या अभिनेत्याची संपत्ती...

Vicky Kaushal Net Worth : विकी कौशलला वाहनांची प्रचंड आवड आहे. त्‍याने त्‍याच्‍या कारचे फोटोदेखील चाहत्‍यांसोबत शेअर केले आहेत.

By : एबीपी माझा वेब टीम | Edited By: मंजिरी पोखरकर | Updated at : 07 Dec 2021 05:47 PM (IST)

विकी_कौशल

Vicky Kaushal Net Worth : विकी कौशलने (Vicky Kaushal) आपल्या अभिनयाने लाखो प्रेक्षकांची मने जिंकली आहेत. कमी वेळात विकीने प्रेक्षकांच्या मनात स्थान निर्माण केले आहे. विकी कौशलचे फक्त चाहतेच कौतुक करत नसून अमिताभ बच्चन यांनीदेखील विकीची प्रशंसा केली आहे.
सध्या विकी आणि कतरिनाच्या लग्नाची जोरदार चर्चा सुरू आहे.

विकीचा 'उरी : द सर्जिकल स्ट्राइक' सिनेमा प्रचंड गाजला होता. विकी सध्या सिनेमामुळे चर्चेत नसून लग्नामुळे चर्चेत आहे. विकी कौशल 9 डिसेंबरला अभिनेत्री कतरिना कैफसोबत विवाहबंधनात अडकणार आहे. राजस्थानमधील सवाई माधोपूर येथील सिक्स सेन्सेस रिसॉर्टमध्ये या लग्नाचा भव्य सोहळा आयोजित करण्यात आला आहे.

जाणून घ्या विकी कौशलची एकूण संपत्ती किती आहे?
विकी कौशल आणि कतरिना कैफच्या लग्नसोहळ्याला आजपासून सुरुवात झाली आहे. लग्नात विकी आणि कतरिना दोघेही मोकळेपणाने खर्च करत आहेत. हे लग्न एखाद्या शाही लग्नसोहळ्याप्रमाणेच आहे.

विकी कौशलने कमी कालावधीत लोकप्रियता मिळवली आहे. एकाहून एक सरस सिनेमे त्याने दिले आहेत. त्यांची एकूण संपत्ती 25 ते 30 कोटी रुपये आहे. तो प्रत्येक चित्रपटासाठी 3 ते 4 कोटी रुपये घेतो, असा काही रिपोर्ट्समध्ये दावा करण्यात आला आहे.

विकी कौशललाही वाहनांची प्रचंड आवड आहे. त्‍याने त्‍याच्‍या कारचे फोटोदेखील चाहत्यांसोबत शेअर केले आहेत. विकीच्या कार कलेक्शनमध्ये मर्सिडीज बेंझ जीएलसी एसयूव्ही कार देखील आहे. अभियांत्रिकी सोडून अभिनेता झालेल्या विकीचे मुंबईतील अंधेरी भागात ओबेरॉय स्प्रिंग्समध्ये एक आलिशान घर आहे. या घरात तो आपल्या कुटुंबासोबत राहतो.

संबंधित बातम्या