Varisu Trailer:  अॅक्शन आणि रोमान्सचा तडका; विजय अन् रश्मिकाच्या 'वरिसु' चा ट्रेलर रिलीज

ट्रेलरमधील अभिनेत्री रश्मिका मंदना (Rashmika Mandanna) आणि विजयच्या अभिनयाला प्रेक्षकांची पसंती मिळत आहे. 

Varisu Trailer

Varisu Trailer:  दाक्षिणात्य चित्रपटसृष्टीतील प्रसिद्ध अभिनेता थलापती विजय (Thalapathy Vijay) हा त्याच्या स्टाईलनं आणि अभिनयानं नेहमीच प्रेक्षकांची मनं जिंकतो. त्याच्या आगामी चित्रपटांची प्रेक्षक उत्सुकतेने वाट बघत आहेत. काल (4 जानेवारी) विजयच्या वरिसु (Varisu) या आगामी चित्रपटाचा ट्रेलर (Varisu Trailer) प्रदर्शित झाला आहे. या ट्रेलरला प्रेक्षकांची पसंती मिळत आहे. ट्रेलरमधील अभिनेत्री रश्मिका मंदना (Rashmika Mandanna) आणि विजयच्या अभिनयाला प्रेक्षकांची पसंती मिळत आहे. 

वरिसु (Varisu Trailer) या चित्रपटात विजय आणि रश्मिका यांच्यासोबतच अभिनेते प्रकाश राज (Prakash Raj), आर सरथकुमार, प्रभू, शाम, श्रीकांत, खुशबू, योगी बाबू, जयसुधा, संगीता क्रिश, संयुक्ता षण्मुघनाथन, नंदिनी राय, गणेश वेंकटरामन, श्रीमन, व्हीटी गणेशन, जॉन विजय, भरत रेड्डी, संजना या कलाकांनी देखील प्रमुख भूमिका साकारली आहे. वामशी पडाईपल्ली यांनी या चित्रपटाचं दिग्दर्शन केलं आहे. राजू, शिरीष यांनी या चित्रपटाची निर्मिती केली आहे. 

वरिसु (Varisu Trailer) या चित्रपटाच्या ट्रेलरला जवळपास दोन मिलियन व्ह्यूज मिळाले आहेत. अनेक नेटकऱ्यांनी या ट्रेलरला कमेंट करुन विजयला त्याच्या या आगामी चित्रपटासाठी शुभेच्छा दिल्या आहेत. हा चित्रपट तेलगू आणि तमिळ भाषांमध्ये प्रदर्शित होणार आहे. या चित्रपटानंतर विजय हा दिग्दर्शक लोकेश कनगराज यांच्या एका प्रोजेक्टवर काम करणार आहे. 

पाहा ट्रेलर: 

काही दिवसांपूर्वी विजयनं त्याच्या ट्वीटर अकाऊंटवरुन वरिसु चित्रपटाचा पोस्टर शेअर केला होता. 

#VarisuThirdLook pic.twitter.com/xgMg7pVSyg

— Vijay (@actorvijay) June 22, 2022

काही महिन्यांपूर्वी विजय हा बीस्ट या चित्रपटामधून प्रेक्षकांच्या भेटीस आला. बीस्ट चित्रपटाचे दिग्दर्शक नेल्सन दिलीप कुमार यांनी केलं आहे. बीस्ट चित्रपटात सेल्वाराघवन, शाईन टॉम चाको, योगी बाबू, व्हीटीव्ही गणेश आणि रॅडिन किंग्सले या कलाकारांनी देखील महत्त्वाची भूमिका साकारली.  हा चित्रपट 13 एप्रिल रोजी रिलीज झाला होता.  विजय थलापतीनं रॉ एजंटची भूमिका साकारली आहे. या चित्रपटानं 200 कोटींची कमाई केली आहे. थलापती विजयच्या वडिलांना देखील हा चित्रपट फारसा आवडला नाही. विजय थलापतीचे वडील एस. ए. चंद्रशेखर हे चित्रपट निर्माते आहेत.

वाचा इतर महत्वाच्या बातम्या: