UT 69 Trailer Out: पॉर्नोग्राफी प्रकरण अन् आर्थर रोड जेलमधील अनुभव; राज कुंद्राच्या UT 69 चित्रपटाचा ट्रेलर रिलीज
UT 69 Trailer Out: राज कुंद्राचा (Raj Kundra) UT 69 हा चित्रपट प्रेक्षकांच्या भेटीस येणार आहे. या चित्रपटाचा ट्रेलर रिलीज करण्यात आला आहे.
UT 69 Trailer Out: अभिनेत्री शिल्पा शेट्टीचा (Shilpa Shetty) पती राज कुंद्रा (Raj Kundra) हा पॉर्नोग्राफी प्रकरणामुळे चर्चेत होता. 2021 मध्ये मुंबई पोलिसांनी राज कुंद्राला पोर्नोग्राफी प्रकरणामुळे अटक केली होती. त्यानंतर सप्टेंबर 2021 मध्ये राज कुंद्रला जामीन मंजूर झाला. आता राज कुंद्रा हा अभिनय क्षेत्रात पदार्पण करण्यासाठी सज्ज झाला आहे. राज कुंद्राचा UT 69 हा चित्रपट प्रेक्षकांच्या भेटीस येणार आहे. या चित्रपटाचा ट्रेलर रिलीज करण्यात आला आहे.
UT 69 या चित्रपटाच्या ट्रेलरच्या सुरुवातीला "पॉर्नोग्राफी प्रकरणी शिल्पा शेट्टीच्या पतीला अटक", ही बातमी दिसत आहे. त्यानंतर ट्रेलरमध्ये दिसते की, राज हा आर्थर रोड जेलमध्ये जातो. आर्थर रोड जेलमध्ये राज कुंद्राला कोण-कोणते अनुभव येतात. तसेच तुरुंगामधील इतर कैदी राजला कशी वागणूक देतात? या सर्व गोष्टी UT 69 या चित्रपटाच्या ट्रेलरमध्ये दाखवण्यात आल्या आहेत.
राज कुंद्रानं UT 69 या चित्रपटाचा ट्रेलर सोशल मीडियावर शेअर करुन कॅप्शनमध्ये लिहिलं, "माझे आयुष्य रोलर कोस्टरसारखे होते. त्याचा एक भाग तुमच्यासोबत शेअर करत आहे."
पाहा UT 69 चित्रपटाचा ट्रेलर:
View this post on Instagram
शिल्पा शेट्टीनं देखील UT 69 या चित्रपटाचा ट्रेलर सोशल मीडियावर शेअर केला आहे. शिल्पानं ट्रेलर शेअर करुन कॅप्शनमध्ये लिहिलं, "ऑल द बेस्ट कुकी, तू एक धाडसी माणूस आहेस. त्यामुळे मला तुझ्याबद्दल कौतुक वाटते!" राज कुंद्राचा UT 69 हा चित्रपट 3 नोव्हेंबर 2023 रोजी थिएटरमध्ये रिलीज होत आहे. शाहनवाज अली यांनी या चित्रपटाचं दिग्दर्शन केलं आहे. या चित्रपटात राज कुंद्राचा अभिनय पाहण्यास प्रेक्षक उत्सुक आहेत.
पॉर्नोग्राफी प्रकरणात राज कुंद्राला जुलै 2021 मध्ये अटक करण्यात आली होती. जवळपास दोन महिने राज अटकेत होता. त्यानंतर त्याला 21 सप्टेंबर 2021 मध्ये जामीन मिळाला. नंतर राज कुंद्रा हा चेहऱ्यावर मास्क घालूनच विविध कार्यक्रमाला हजेरी लावत होता. आता UT 69 या चित्रपटाच्या ट्रेलरमध्ये राजचा चेहरा प्रेक्षकांना दिसत आहे.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
