Tujhech Mi Geet Gaat Aahe : 'तुझेच मी गीत गात आहे' रंजक वळणावर; लावणी सम्राज्ञी माया जाधव यांची मालिकेत होणार एन्ट्री
Tujhech Mi Geet Gaat Aahe : 'तुझेच मी गीत गात आहे' ही मालिका आता रंजक वळणावर आली आहे. या मालिकेत लावणी सम्राज्ञी माया जाधव (Maya Jadhav) यांची एन्ट्री होणार आहे.
Tujhech Mi Geet Gaat Aahe : 'तुझेच मी गीत गात आहे' (Tujhech Mi Geet Gaat Aahe) ही छोट्या पडद्यावरील लोकप्रिय मालिका आहे. गेल्या काही महिन्यांपासून ही मालिका प्रेक्षकांचं चांगलच मनोरंजन करत आहे. आता ही मालिका रंजक वळणावर आली आहे. या मालिकेत लावणी सम्राज्ञी माया जाधव (Maya Jadhav) यांची एन्ट्री होणार आहे.
'तुझेच मी गीत गात आहे' मालिकेत लावणी सम्राज्ञी माया जाधव यांची होणार एन्ट्री
'तुझेच मी गीत गात आहे' मालिकेत साहेबराव आणि मंजुळाच्या नात्याचं रहस्य दिवसेंदिवस उत्कंठावर्धक होत आहे. अशातच मालिकेत एका नव्या पात्राची एन्ट्री होणार आहे. दाईमा असं नव्या पात्राचं नाव असून सुप्रसिद्ध लावणी सम्राज्ञी माया जाधव दाईमा ही व्यक्तिरेखा साकारणार आहेत. या दाईमाचं मंजुळासोबत खास नातं आहे. दाईमाच्या एन्ट्रीने अनेक नात्यांविषयीचा खुलासा होणार आहे. त्यामुळे 'तुझेच मी गीत गात आहे' मालिकेचे पुढील भाग मनोरंजनाने परिपूर्ण असतील यात शंका नाही.
दाईमा आणि मंजुळाचं नेमकं नातं काय?
'तुझेच मी गीत गात आहे' या मालिकेच्या निमित्ताने अनेक दिग्गज कलाकारांना आपण वेगवेगळ्या व्यक्तिरेखांमध्ये पाहिलं आहे. लवकरच माया जाधव यांना देखील एका महत्त्वपूर्ण भूमिकेत पाहाण्याची संधी प्रेक्षकांना मिळणार आहे. माया जाधव यांनी अनेक सिनेमांमध्ये आणि मालिकांमध्येही लक्षवेधी भूमिका साकारल्या आहेत.
दाईमा आणि मंजुळाचं नेमकं नातं काय आहे हे जाणून घ्यायचं असेल तर प्रेक्षकांना 'तुझेच मी गीत गात आहे' मालिकेचे आगामी भाग पाहावे लागतील. 'तुझेच मी गीत गात आहे' ही मालिका प्रेक्षक स्टारप्रवाहवर रात्री 9 वाजता पाहू शकतात.
View this post on Instagram
गाण्याचं स्वप्न उराशी बाळगलेल्या आणि अत्यंत प्रतिकूल परिस्थितीत ते पूर्ण करण्यासाठी झटणाऱ्या चिमुकल्या स्वराची गोष्ट 'तुझेच मी गीत गात आहे' या मालिकेत दाखवण्यात आली आहे. या मालिकेत उर्मिला कोठारे (Urmila Kothare), प्रिया मराठे (Priya Marathe) आणि अभिजित खांडकेकर (Abhijit Khandkekar) मुख्य भूमिकेत आहेत.
संबंधित बातम्या
Tuzech Mi Geet Gaat Aahe: ‘तुझेच मी गीत गात आहे’ मध्ये नवा ट्विस्ट; 'या' प्रसिद्ध अभिनेत्याची होणार मालिकेत एन्ट्री
महत्त्वाच्या बातम्या
