The Kerala Story: 'द केरळ स्टोरी' च्या निर्मात्यांचा मोठा निर्णय; लाखो रुपये करणार डोनेट
द केरळ स्टोरी (The Kerala Story) या चित्रपटाचे निर्माते विपुल शाह यांनी एका पत्रकार परिषदेमध्ये या चित्रपटाबद्दल सांगितलं.
The Kerala Story: द केरळ स्टोरी (The Kerala Story) हा चित्रपट सध्या प्रेक्षकांची मनं जिंकत आहे. भारतात हिट ठरल्यानंतर हा चित्रपट परदेशातही रिलीज केला जात आहे. काही दिवसांपूर्वी पश्चिम बंगाल (West Bengal) सरकारने या चित्रपटावर बंदी घातली होती आता सुप्रीम कोर्टाने या चित्रपटावर पश्चिम बंगाल (West Bengal) सरकारने घातलेली बंदी उठवली आहे. हा चित्रपट सध्या बॉक्स ऑफिसवर धुमाकूळ घालत आहे. अशातच द केरळ स्टोरी या चित्रपटाचे निर्माते विपुल शाह यांनी एका पत्रकार परिषदेमध्ये या चित्रपटाबद्दल सांगितलं. तसेच या चित्रपटाच्या यशानंतर लाखो रुपये डोनेट करणार असल्याचं देखील त्यांनी सांगितलं.
'द केरळ स्टोरी'चे निर्माते विपुल अमृतलाल शाह यांनी पत्रकार परिषदेत म्हणाले की, 'लोक हा चित्रपट खोटा असल्याचा दावा करत आहेत आणि निर्माते खोटे बोलत आहेत, असंही त्यांना वाटत आहे. हा चित्रपट फक्त तीन मुलींच्या कथेपेक्षा मोठा आहे.'
विपुल शाह यांनी या पत्रकार परिषदेत धर्म परिवर्तनातून वाचलेल्यांची काळजी घेणाऱ्या आर्ष विद्या समाज आश्रमाला 51 लाख रुपयांची देणगी देण्याची घोषणा केली आहे. निर्मात्यांनी त्या आश्रमातील 26 मुलींना चित्रपटाच्या कलाकारांसह मीडियाशी संवाद साधण्यासाठी आमंत्रित केले होते.
View this post on Instagram
'द केरळ स्टोरी' या सिनेमात अदा शर्मासोबतच योगिता बिहानी, सोनिया बलानी आणि सिद्धी इडनानी महत्त्वाच्या भूमिकेत आहेत. या चित्रपटाच्या कथानकाचं आणि चित्रपटामधील कलाकारांच्या अभिनयाचं अनेक जण कौतुक करत आहेत. तर काही जण या चित्रपटावर टीका करत आहेत.मुलींचं धर्म परिवर्तन करुन त्यांना दहशतवादी संघटना ISIS मध्ये कसं सामील केलं जातं हे सांगणारा 'द केरळ स्टोरी' हा सिनेमा आहे.
द केरळ स्टोरी या चित्रपटानं बॉक्स ऑफिसवर कोट्यवधींची कमाई केली आहे. 'द केरळ स्टोरी' आता 200 कोटींच्या क्लबमध्ये सामील होईल, असं म्हटलं जात आहे. देशभरात हा सिनेमा 1300 स्क्रीन्सवर रिलीज झाला आहे.विविध ठिकाणी या सिनेमाचे खास शो आयोजित करण्यात आले आहेत.
इतर महत्वाच्या बातम्या:
The Kerala Story BO Day 13: 'द केरळ स्टोरी' चा बॉक्स ऑफिसवर जलवा; 13 दिवसात केली एवढी कमाई
महत्त्वाच्या बातम्या
ट्रेंडिंग न्यूज
