The Kerala Story : 'द केरळ स्टोरी' च्या कमईत घसरण; 20 व्या दिवशी केली एवढी कमाई
द केरळ स्टोरी (The Kerala Story) या चित्रपटाच्या कमाईत 20 व्या दिवशी घट झाली आहे.
The Kerala Story : गेल्या काही दिवसांपासून द केरळ स्टोरी (The Kerala Story) हा चित्रपट बॉक्स ऑफिसवर धुमाकूळ घालत आहे. हा चित्रपट 5 मे रोजी प्रेक्षकांच्या भेटीस आला. या चित्रपटानं बॉक्स ऑफिसवर 200 कोटींचा टप्पा पार केला आहे. चित्रपटाच्या कथानकाला प्रेक्षकांची पसंती मिळाली आहे. आता या चित्रपटाच्या कमाईत 20 व्या दिवशी घट झाली आहे. जाणून घेऊयात या चित्रपटाचे कलेक्शन...
20 व्या दिवशी केली एवढी कमाई
द केरळ स्टोरी या चित्रपटानं रिलीज झाल्यानंतर सुरुवातीचे काही दिवस बॉक्स ऑफिसवर धुमाकूळ घातला. पण आता या चित्रपटाच्या कमाईत घट झालेली पहायला मिळत आहे. रिपोर्टनुसार, रिलीज झाल्यानंतर 20 व्या दिवशी या चित्रपटानं 3.20 कोटी एवढी कमाई केली आहे.आता या चित्रपटाची एकूण कमाई 210.17 कोटी एवढी झाली आहे. आता यंदाच्या वीकेंडला हा चित्रपट पुन्हा चांगली कमाई करेल का? या प्रश्नाचं उत्तर लवकरच प्रेक्षकांना मिळणार आहे.
View this post on Instagram
'द केरळ स्टोरी' अडकला होता वादाच्या भोवऱ्यात
सुदीप्तो सेन यांनी दिग्दर्शित केलेल्या 'द केरळ स्टोरी' या चित्रपटाचं कथानक तीन मुलींवर आधारित आहे. हा चित्रपट प्रदर्शित होण्यापूर्वीच वादाच्या भोवऱ्यात अडकला होता, अनेकांनी या चित्रपटाच्या कथानकावर आक्षेप घेतला होता. या चित्रपटावर बंदी घालण्याची मागणीही करण्यात आली होती.अनेक लोक या चित्रपटाला 'प्रपोगंडा फिल्म' म्हणत आहेत.
'द केरळ स्टोरी' ची स्टार कास्ट
'द केरळ स्टोरी' या सिनेमात अदा शर्मा, योगिता बिहानी, सोनिया बलानी आणि सिद्धी इडनानी या अभिनेत्रींनी महत्त्वाच्या भूमिकेत आहेत. या चित्रपटातील अदाच्या अभिनयाचं अनेक जण कौतुक करत आहेत. अदानं या चित्रपटात शालिनी ही भूमिका साकरली आहे. शालिनी ही फातिमा कशी होते? हे द केरळ स्टोरी या चित्रपटात दाखवण्यात आलं आहे. द केरळ स्टोरी या चित्रपटाचा विरोध काही राज्यांमध्ये करण्यात आला आहे तर काही राज्यांमध्ये हा चित्रपट टॅक्स फ्री करण्यात आला आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
