![ABP Premium](https://cdn.abplive.com/imagebank/Premium-ad-Icon.png)
Stree 2 Box Office Collection Day 4 : बॉक्स ऑफिसला 'स्त्री-2'ची भुरळ; कमाईच्या बाबतीत सुपरसंडे, चार दिवसांचा गल्ला किती?
Stree 2 Box Office Collection Day 4 : 'स्त्री 2' ची बॉक्स ऑफिसला भुरळ पडली आहे. चार दिवसात चित्रपटाने जबरदस्त कमाई केली आहे.
![Stree 2 Box Office Collection Day 4 : बॉक्स ऑफिसला 'स्त्री-2'ची भुरळ; कमाईच्या बाबतीत सुपरसंडे, चार दिवसांचा गल्ला किती? Stree 2 Box Office Collection Day 4 Shraddha Kapoor, Rajkummar Rao's film records bumper Sunday enter in 200 crore box office collection Stree 2 Box Office Collection Day 4 : बॉक्स ऑफिसला 'स्त्री-2'ची भुरळ; कमाईच्या बाबतीत सुपरसंडे, चार दिवसांचा गल्ला किती?](https://feeds.abplive.com/onecms/images/uploaded-images/2024/08/19/92f42e943ff1f7060301d8cb0691e6f11724033276544290_original.jpg?impolicy=abp_cdn&imwidth=1200&height=675)
Stree 2 Box Office Collection Day 4 : राजकुमार राव (Rajkummar Rao) आणि श्रद्धा कपूरचा (Shraddha Kapoor) चित्रपट 'स्त्री 2' बॉक्स ऑफिसवर (Stree 2 Box Office Collection) धुमाकूळ घालत आहे. 15 ऑगस्टला थिएटरमध्ये प्रदर्शित झालेल्या या चित्रपटाने अवघ्या 2 दिवसांत निर्मिती खर्च वसूल केला आहे. बॉक्स ऑफिसवर चित्रपटाची जबरदस्त कमाई सुरू आहे. रविवारी या चित्रपटाने चांगलीच कमाई केली आहे. 'स्त्री 2' साठी रविवार हा सुपर संडे ठरला आहे. एकाच दिवशी जवळपास 55 कोटींची कमाई चित्रपटाने केली आहे. चित्रपटाच्या कमाईचे आकडे Sacknilk ने जाहीर केले आहेत. 'स्त्री-2' चित्रपटाने चार दिवसात 200 कोटींचा टप्पा गाठला आहे.
14 ऑगस्ट रोजी 'स्त्री 2' चित्रपटाचा प्रीव्ह्यू ठेवण्यात आला होता. या दिवशी रात्री 9.30 वाजता चित्रपट थिएटरमध्ये झळकला. त्यानंतर चित्रपट 15 ऑगस्ट रोजी रिलीज करण्यात आला. प्रीव्ह्यू आणि रिलीजच्या दिवशी चित्रपटाने जोरदार कमाई केली. या चित्रपटाने 76.5 कोटींची कमाई केली होती. दुसऱ्या दिवशी चित्रपटाने 41.5 कोटी कमावले होते. तिसऱ्या दिवशी 54 कोटींची कमाई केली. तर, चौथ्या दिवशी प्राथमिक अंदाजानुसार, स्त्री-2 ने 55 कोटींची कमाई केली आहे.
200 कोटींच्या क्लबमध्ये 'स्त्री-2' ची एन्ट्री
श्रद्धा कपूर आणि राजकुमार राव यांच्या 'स्त्री-2' या चित्रपटाने अवघ्या चार दिवसात बॉक्स ऑफिसवर 200 कोटींच्या ोक्लबमध्ये एन्ट्री केली. चित्रपटाने भारतात एकूण 227 कोटींची कमाई केली आहे. 200 कोटींची कमाई करणारा 'स्त्री-2'हा यंदाच्या वर्षात दुसरा चित्रपट ठरला आहे.
दिवस | बॉक्स ऑफिस कलेक्शन |
---|---|
प्रीव्यू | ₹ 8.5 कोटी |
दिवस 1 | ₹ 76.5 कोटी |
दिवस 2 | ₹ 41.5 कोटी |
दिवस 3 | ₹ 54 कोटी |
दिवस 4 | ₹ 55 कोटी |
एकूण | ₹ 227 कोटी |
2024 मध्ये सर्वाधिक कमाई करणारा दुसरा चित्रपट
'स्त्री 2' तिसऱ्या दिवसाच्या कलेक्शनसह वर्षातील तिसरा सर्वाधिक कमाई करणारा चित्रपट ठरला आहे. आता चौथ्या दिवसाच्या कमाईने या चित्रपटाने अजय देवगणच्या 'शैतान' चित्रपटाला मागे टाकले आहे. 'शैतान'ने भारतात 176.05 कोटी रुपयांची कमाई केली होती आणि वर्षातील दुसऱ्या क्रमांकाची सर्वाधिक कमाई करणाऱ्या चित्रपटाचा विक्रम त्याच्या नावावर होता. 'फायटर' या बॉलिवूडपटाने यंदाच्या वर्षात सर्वाधिक कमाई केली.
View this post on Instagram
इतर संबंधित बातमी :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![चंद्रकांत शिंदे](https://feeds.abplive.com/onecms/images/author/964429cd2a90fc9f23c8736386edb152.jpg?impolicy=abp_cdn&imwidth=70)