Stree 2 Movie : 'स्त्री 2' अक्षयच्या 'खेल खेल में'वर पडणार भारी, श्रद्धा अन् राजकुमारच्या चित्रपटाची ॲडवान्स बुकींगमध्ये बाजी

Stree 2 vs Khel Khel Mein : 15 ऑगस्ट रोजी बॉक्स ऑफिसवर स्त्री 2 आणि खेल खेल में चित्रपटांसह आणखीही काही चित्रपट प्रदर्शित होणार आहेत.

Stree 2 vs Khel Khel Mein Clash on Box Office

Source : insta

Stree 2 Movie Advance Booking : अभिनेत्री श्रद्धा कपूर, अभिनेता राजकुमार राव आणि पंकज त्रिपाठी यांचा 'स्त्री 2' (Stree 2 Movie) हा चित्रपट 14 ऑगस्टला चित्रपटगृहात प्रदर्शित होत आहे. या चित्रपटाचे ॲडव्हान्स बुकिंग सुरू झालं आहे. श्रद्धा कपूर (Shraddha Kapoor) आणि राजकुमार राव (Rajkumar Rao) यांचा चित्रपट 'स्त्री 2' हा एक हॉरर कॉमेडी चित्रपट (Horror Comedy Movie) आहे, ज्यामध्ये 'स्त्री' चित्रपटाप्रमाणेच चंदेरी गावातील दहशत पाहायला मिळणार आहे. श्रद्धा कपूरच्या चित्रपटाने ॲडवान्स बुकींगमध्ये बाजी मारली आहे.

'स्त्री 2' साठी जोरदार ॲडवान्स बुकिंग सुरू

श्रद्धा कपूर, राजकुमार राव, पंकज त्रिपाठी, अभिषेक बॅनर्जी आणि अपारशक्ती खुराना स्टारर 'स्त्री 2' चे ॲडव्हान्स बुकिंग सुरु झालं आहे. Sacnilk च्या रिपोर्टनुसार, आतापर्यंत प्री बुकींगमध्ये स्त्री 5 चित्रपटाच्या 2711 शोसाठी सुमारे 20293 तिकिटे विकली गेली आहेत. एकूणच या चित्रपटाने पहिल्याच दिवशी ॲडव्हान्स बुकिंगच्या नावावर खाते उघडले असून 75.17 लाखांची कमाई केली आहे. ही तर सुरुवात आहे आणि चित्रपट प्रदर्शित होण्यासाठी अजून चार दिवस बाकी आहेत.

श्रद्धा अन् राजकुमारच्या चित्रपटाची ॲडवान्स बुकींगमध्ये बाजी

दरम्यान, 15 ऑगस्टला बॉक्स ऑफिसवर आणखी काही चित्रपट रिलीज होणार आहेत. श्रद्धा अन् राजकुमारचा 'स्त्री 2' अक्षय कुमारच्या 'खेल खेल में'वर भारी पडण्याची शक्यता आहे. अक्षय कुमार, फरदीन खान आणि तापसी पन्नू यांसारख्या अनेक स्टार्सची भूमिका असलेला 'खेल खेल में' हा चित्रपट 15 ऑगस्टला चित्रपटगृहात प्रदर्शित होत आहे. चित्रपटाचे ॲडव्हान्स बुकिंगही सुरू झाले आहे. पण, त्याला हवा पहिल्या दिवशी खास प्रतिसाद मिळताना दिसत नाहीय.

'स्त्री 2' अक्षयच्या 'खेल खेल में'वर पडणार भारी

अक्षय कुमारच्या 'खेल खेल में' चित्रपटाच्या ॲडव्हान्स बुकिंगमध्ये काही विशेष कामगिरी करताना दिसत नाहीय. Sacknilk च्या रिपोर्टनुसार, चित्रपटाच्या पहिल्या दिवशी आतापर्यंत सुमारे 1200 तिकिटे विकली गेली आहेत आणि चित्रपटाने केवळ 5.29 लाख रुपये कमावले आहेत. या चित्रपटाचं पोस्टर रिलीज झाल्यानंतर हा चित्रपट मसालेदार कॉमेडी चित्रपटांसारखा असेल असा अंदाज बांधला जात होता. ट्रेलर प्रदर्शित झाल्यानंतर चित्रपटाच्या कथेत ट्विस्ट आल्याचं दिसून येत आहे. आता प्रेक्षक या चित्रपटाला पसंती देतात का हे पाहावं लागणार आहे.

महत्त्वाच्या इतर बातम्या :