Siddharth Chandekar: "आदल्या दिवशीचा चिकन-मटणाचा रस्सा, शिळ्या भाकरीचा कुस्करा"; सिद्धार्थच्या पोस्टनं वेधलं लक्ष
Siddharth Chandekar: सिद्धार्थनं चिकन-मटण, शेव भाजी आणि शिळ्या भाकरीचा कुस्करा या पदार्थांबाबत एक खास पोस्ट शेअर केली आहे. त्याच्या या पोस्टनं अनेकांचे लक्ष वेधले आहे.
Siddharth Chandekar: मराठी चित्रपटसृष्टीतील अभिनेता सिद्धार्थ चांदेकर (Siddharth Chandekar) हा विविध देशांमध्ये भटकंती करायला जात असतो. सिद्धार्थ हा त्याच्या फॉरेन ट्रीपचे फोटो सोशल मीडियावर शेअर करतो. काही दिवसांपूर्वी सिद्धार्थ आणि मिताली मयेकर (Mitali Mayekar) हे फॉरेन ट्रीपला गेले होते. सिद्धार्थनं कोणत्याही फॉरेन ट्रीपबाबत नाही तर चक्क चिकन-मटण, शेव भाजी आणि शिळ्या भाकरीचा कुस्करा या पदार्थांबाबत एक खास पोस्ट शेअर केली आहे. त्याच्या या पोस्टनं अनेकांचे लक्ष वेधले आहे.
सिद्धार्थनं सोशल मीडियावर शेअर केलेल्या पोस्टमध्ये लिहिलं, "आदल्या दिवशीचा चिकन-मटणाचा किंवा शेव भाजीचा रस्सा, शिळ्या भाकरीचा कुस्करा, मिरची आणि लसणाचा ठेचा आणि शेवटी घट्ट झालेली शेवयाची खीर, बास पुरेसं आहे." सिद्धार्थनं या पोस्टला कॅप्शन दिलं,'अजून नको काही'
सिद्धार्थच्या या पोस्टला अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली, 'भाकरीचा काला एकदम कमाल लागतो' तर दुसऱ्या युझरनं कमेंट केली, "भूक लागली राव पोस्ट बघून"
View this post on Instagram
सिद्धार्थ आणि मिताली हे काही दिवसांपूर्वी दुबई येथे ट्रीपला गेले होते. त्या दोघांनी दुबईमधील फोटो आणि व्हिडीओ सोशल मीडियावर शेअर केले होते. दोघांच्या सोशल मीडियावरील पोस्टला नेटकऱ्यांची पसंती मिळते.
View this post on Instagram
सिद्धार्थनं अनेक मराठी चित्रपटांमध्ये काम केलं आहे. त्यानं झिम्मा, गुलाबजाम, क्लासमेट्स, झेंडा आणि वजनदार यांसारख्या चित्रपटांमध्ये प्रमुख भूमिका साकारली आहे. तसेच सिटी ऑफ ड्रिम्स या वेब सीरिजमध्ये देखील सिद्धार्थनं काम केलं आहे. सिद्धार्थच्या आगामी चित्रपटांची प्रेक्षक उत्सुकतेने वाट बघत आहेत. सिद्धार्थनं 2021 मध्ये मिताली मयेकरसोबत (Mitali Mayekar) लग्नगाठ बांधली. मिताली देखील अभिनय क्षेत्रात काम करते. तिनं अनेक मालिका आणि चित्रपटांमध्ये काम केलं आहे.
इतर महत्वाच्या बातम्या:
महत्त्वाच्या बातम्या
