Shreyas Talpade : श्रेयस तळपदे आजारपणामुळे 'Welcome 3'मधून बाहेर? समोर आली मोठी अपडेट

Shreyas Talpade : श्रेयस तळपदे आजारपणामुळे 'वेलकम 3' (Welcome 3) या सिनेमाचा भाग असणार की नसणार असा प्रश्न उपस्थित केला जात आहे.

Shreyas Talpade

Shreyas Talpade : मराठीसह बॉलिवूड गाजवणारा लोकप्रिय अभिनेता श्रेयस तळपदे (Shreyas Talpade) हृदयविकाराच्या झटक्यामुळे सध्या चर्चेत आहे. श्रेयस 'वेलकम टू द जंगल' (Welcome to the Joungle) या सिनेमाचं शूटिंग करत होता. या शूटिंगमधून घरी परतल्यानंतर त्याला असवस्थ वाटू लागलं आणि हृदयविकाराचा झटका आला. आता आजारपणामुळे तो 'वेलकम 3' (Welcome 3) या सिनेमाचा भाग असणार की नसणार असा प्रश्न उपस्थित केला जात आहे.

श्रेयसशिवाय होणार 'वेलकम 3'चं शूटिंग? 

बॉलिवूडलाईफच्या वृत्तानुसार,'वेलकम टू द जंगल' या सिनेमाचं शूटिंग ठरलेल्या वेळेतच होणार आहे. या सिनेमाची संपूर्ण टीम सध्या खूप चिंतेत आहे. काहीही झालं तरी 'शो मस्ट शो गॉन' असं म्हटलं जात आहे. कोणत्याही कारणाने सिनेमाचं शूटिंग थांबणार नाही. श्रेयसची प्रकृती ठिक झाल्यानंतर त्याला एकदम फिट वाटेल तेव्हाच त्याचे सीन शूट होतील". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shreyas Talpade (@shreyastalpade27)

'वेलकम 3' या सिनेमाचं शूटिंग नाताळमध्ये शेड्यूल करण्यात आलं होतं. जगभरातील लोक या काळात सुट्टीवर असतात. याच गोष्टीची दखल घेत नाताळात या सिनेमाचं शूटिंग आयोजित करण्यात आलं होतं. शूटिंग संपल्यानंतर प्रत्येक जण सुट्टी आनंदात घालवू शकेल हा यामागचा हेतू होता. नव्या वर्षातही या सिनेमाचं शूटिंग होणार आहे.

तगडी स्टारकास्ट असलेला 'वेलकम 3'

'वेलकम टू द जंगल' या सिनेमात अक्षय कुमार, संजय दत्त, दिशा पाटनी, सुनील शेट्टी, श्रेयस तळपदे, अरशद वारसी आणि रवीना टंडन हे कलाकार महत्त्वाच्या भूमिकेत झळकणार आहेत. डिसेंबर 2024 मध्ये हा सिनेमा प्रेक्षकांच्या भेटीला येईल. 

श्रेयस तळपदेची प्रकृती आता कशी आहे? (Shreyas Talpade Health Update)

श्रेयस तळपदेची प्रकृती आता स्थिर आहे. 15 डिसेंबर 2023 रोजी सकाळी डॉक्टरांनी श्रेयसच्या प्रकृतीसंदर्भात माहिती दिली आहे. डॉक्टरांच्या निरिक्षणाखाली सध्या श्रेयसवर उपचार सुरू आहेत. मुंबईतील अंधेरी पश्चिम येथील बेलव्यू रुग्णालयात अभिनेत्यावर उपचार सुरू आहेत. त्याची अँडिओप्लास्टीदेखील करण्यात आली आहे. त्याच्या प्रकृतीत आता सुधारणा होत आहे. लवकरच त्याला डिस्चार्ज देण्यात येणार आहे. वयाच्या 47 व्या वर्षी श्रेयसला हृदयविकाराचा झटका आला आहे.

संबंधित बातम्या