![ABP Premium](https://cdn.abplive.com/imagebank/Premium-ad-Icon.png)
Shilpa Shetty : दाक्षिणात्य सिनेसृष्टीत झळकण्यासाठी शिल्पा शेट्टी सज्ज! KD The Devil लवकरच येणार प्रेक्षकांच्या भेटीला
Shilpa Shetty : शिल्पा शेट्टीचा 'केडी द डेविल' हा सिनेमा लवकरच प्रेक्षकांच्या भेटीला येणार आहे.
![Shilpa Shetty : दाक्षिणात्य सिनेसृष्टीत झळकण्यासाठी शिल्पा शेट्टी सज्ज! KD The Devil लवकरच येणार प्रेक्षकांच्या भेटीला Shilpa Shetty KD The Devil south movie poster out entertainment latest update Shilpa Shetty : दाक्षिणात्य सिनेसृष्टीत झळकण्यासाठी शिल्पा शेट्टी सज्ज! KD The Devil लवकरच येणार प्रेक्षकांच्या भेटीला](https://feeds.abplive.com/onecms/images/uploaded-images/2023/03/22/9f8186ce6083d8d052533ea9eb99d17e1679480366524254_original.jpg?impolicy=abp_cdn&imwidth=1200&height=675)
Shilpa Shetty : बॉलिवूड अभिनेत्री शिल्पा शेट्टीने (Shilpa Shetty) आजवर अनेक सुपरहिट सिनेमांत काम केलं आहे. 90 च्या दशकातील लोकप्रिय अभिनेत्री असलेल्या शिल्पाने एकापेक्षा एक सिनेमांत काम करत प्रेक्षकांचं चांगलच मनोरंजन केलं आहे. आता दाक्षिणात्य सिनेसृष्टीत आपल्या अभिनयाची जादू दाखवण्यास शिल्पा सज्ज आहे.
'केडी द डेविल' सिनेमात झळकणार शिल्पा शेट्टी!
शिल्पा शेटीचा 'केडी द डेविल' (KD The Devil) हा सिनेमा लवकरच प्रेक्षकांच्या भेटीला येणार आहे. या सिनेमात शिल्पा शेट्टीसह कन्नड सुपरस्टार ध्रुव सरजादेखील (Dhruva Sarja) मुख्य भूमिकेत झळकणार आहे. आज गुढीपाडव्यानिमित्त निर्मात्यांनी या सिनेमातील शिल्पा शेट्टीचा लुकदेखील शेअर केला आहे. साडी, वेणी, काळा चश्मा आणि हातात बांगड्या असा काहीसा शिल्पाचा लुक आहे.
View this post on Instagram
'केडी द डेविल' हा सिनेमा गॅंगस्टरवर आधारित आहे. या नाट्यमय सिनेमात शिल्पा सत्यवतीच्या भूमिकेत झळकणार आहे. शिल्पा शेट्टीचा 'केडी द डेविल' या सिनेमातील लुक 'गंगूबाई काठियावाडी' या सिनेमातील आलिया भट्टसारखा आहे. हा सिनेमा 1970 च्या दशकावर भाष्य करणारा आहे. या सिनेमाची निर्मिती केवीएन या प्रोडक्शन हाऊसअंतर्गत करण्यात येत आहे. हा सिनेमा कन्नडसह हिंदी, तामिळ, तेलुगू आणि मल्याळम या पाच भाषांमध्ये प्रदर्शित होणार आहे.
संजय दत्त झळकणार नकारात्मक भूमिकेत
'केडी द डेविल' या सिनेमात संजय दत्त नकारात्मक भूमिकेत दिसणार आहे. संजय दत्तसह या सिनेमात वी. रवीचंद्रनदेखील महत्त्वाच्या भूमिकेत दिसणार आहे. शिल्पा शेट्टीने याआधीदेखील दाक्षिणात्य सिनेमांत काम केलं आहे. आता 'केडी द डेविल' या सिनेमाच्या माध्यमातून पुन्हा एकदा दाक्षिणात्य सिनेसृष्टीत काम करण्यासाठी शिल्पा शेट्टी सज्ज आहे.
शिल्पा शेट्टीने शेअर केलं 'केडी द डेविल' सिनेमाचं पोस्टर (Shilpa Shetty Shared (KD The Devil Poster)
शिल्पा शेट्टीने आपल्या आगामी 'केडी द डेविल' या सिनेमाचं पोस्टर सोशल मीडियावर शेअर केलं आहे. पोस्टर शेअर करत तिने चाहत्यांना गुढी पाडव्याच्या शुभेच्छा दिल्या आहेत. शिल्पा शेट्टीने लिहिलं आहे,"गुढीपाडव्याच्या हार्दिक शुभेच्छा. आज या खास दिवसानिमित्त मी माझ्या नव्या सिनेमाचं पोस्टर तुमच्यासोबत शेअर करत आहे". शिल्पाच्या या पोस्टवर चाहत्यांनी शुभेच्छांचा वर्षाव केला आहे.
संबंधित बातम्या
Nikamma Box Office Collection : बॉक्स ऑफिसवर शिल्पा शेट्टीचा 'निकम्मा' जोरदार आपटला, शो झाले रद्द
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)