Nikamma Box Office Collection : बॉक्स ऑफिसवर शिल्पा शेट्टीचा 'निकम्मा' जोरदार आपटला, शो झाले रद्द

Nikamma : 'निकम्मा' हा सिनेमा नुकताच प्रेक्षकांच्या भेटीला आला असून या सिनेमाने प्रेक्षकांची चांगलीच निराशा केली आहे.

Nikamma

Nikamma Box Office Collection : बॉलिवूड अभिनेत्री शिल्पा शेट्टी (Shilpa Shetty) आणि आग्यश्रीचा मुलगा अभिमन्यू देसानीचा (Abhimanyu Dassani) 'निकम्मा' (Nikamma) हा सिनेमा नुकताच प्रेक्षकांच्या भेटीला आला आहे. पण हा सिनेमा बॉक्स ऑफिसवर जोरदार आपटला आहे. सिनेमा चांगली कमाई करत नसल्याने निर्मात्यांनी या सिनेमाचे अनेक शो रद्द केले आहेत. 

कशी होती 'निकम्मा'ची कमाई?

'निकम्मा' हा सिनेमा 17 जूनला प्रेक्षकांच्या भेटीला आला आहे. या सिनेमाने पहिल्या दिवशी 51 लाखांची कमाई केली आहे. तर दुसऱ्या दिवशी म्हणजे 18 जूनला या सिनेमाने 48 लाखांचा गल्ला जमवला आहे. तर 19 जूनला या सिनेमाने 52 लाखांची कमाई केली आहे. अशाप्रकारे तीन दिवसांत या सिनेमाने 1.5 कोटींची कोटींची कमाई केली आहे. तर दुसरीकडे कार्तिक आर्यनचा 'भूल भुलैया 2' हा सिनेमा बॉक्स ऑफिसवर धुमाकूळ घालत आहे.

#Nikamma meets with a tragic fate... After a low starting point [Day 1], the dismal response on Day 2 and 3 seals its fate... Fri 51 lacs, Sat 48 lacs, Sun 52 lacs. Total: ₹ 1.51 cr. #India biz. pic.twitter.com/CWsz2MhXnv

— taran adarsh (@taran_adarsh) June 20, 2022

अभिमन्यू दसानीचा 'निकम्मा' सिनेमा 1250 स्क्रीन्सवर प्रदर्शित झाला होता. हा सिनेमा 2017 साली प्रदर्शित झालेल्या 'अबाई' या तेलुगू सिनेमाचा रिमेक आहे. अभिमन्यूने 2018 साली प्रदर्शित झालेल्या 'मर्द को मर्द' या सिनेमाच्या माध्यमातून बॉलिवूडमध्ये पदार्पण केलं होतं. 

'निक्कमा'चे कथानक काय?

अभिमन्यु दसानी याच्या आयुष्यात जेव्हा शिल्पाची एन्ट्री होते, तेव्हा त्याच्या आयुष्यात काय बदल होतात? तो कसा बदलतो? हे सर्व या चित्रपटामध्ये दाखवण्यात येणार आहे. शिल्पा ही या चित्रपटामध्ये सुपरवुमनच्या भूमिकेत दिसणार आहे. चित्रपटामध्ये शिल्पा शेट्टी, अभिमन्यु दासानी यांच्यासोबतच शर्ली सेटीया, सुनील ग्रोवर आणि समीर सोनी हे कलाकार देखील प्रमुख भूमिका साकारणार आहेत. शर्ली आणि अभिमन्यु यांचा रोमँटिक अंदाज या सिनेमात प्रेक्षकांना बघायला मिळणार आहे.

‘निकम्मा’ या सिनेमाच्या माध्यमातून अभिनेत्री शिल्पा शेट्टीने मोठ्या पडद्यावर कमबॅक केलं आहे. या सिनेमात शिल्पा शेट्टीसह अभिमन्यू दासानी आणि शर्ली सेटिया यांच्याही मुख्य भूमिका आहेत. मीडिया रिपोर्टनुसार 2022 या वर्षातील हा सातवा चित्रपट आहे, ज्याने 1 कोटींपेक्षा कमी व्यवसाय केला आहे.

संबंधित बातम्या