Bollywood Actress Hospitalized : Shehnaaz Gill अन् Jasmin Bhasin विषबाधा झाल्याने रुग्णालयात दाखल; फोटो पाहून चाहते शॉक

Bollywood Actress Hospitalized : शहनाज गिल (Shehnaaz Gill) आणि जस्मिन भसीन (Jasmin Bhasin) या अभिनेत्रींना विषबाधा झाल्याने रुग्णालयात दाखल करण्यात आलं आहे.

Bollywood Actress Hospitalized

Shehnaaz Gill Jasmin Bhasin Bollywood Actress Hospitalized : बॉलिवूड अभिनेत्री शहनाज गिल (Shehnaaz Gill) आणि 'बिग बॉस 14' फेम जस्मिन भसीन (Jasmin Bhasin) या दोन अभिनेत्रींना विषबाधा झाली असून त्यांना रुग्णालयात दाखल केले आहे. दोघींचेही फोटो व्हायरल होत असून चाहत्यांना धक्का बसला आहे. 

शहनाजने दिली हेल्थ अपडेट (Shehnaaz Gill Health Update)

बॉलिवूड अभिनेत्री शहनाज गिल सध्या 'थँक्यू फॉर कमिंग' (Thank You For Coming) या सिनेमामुळे चर्चेत आहे. एकीकडे या सिनेमातील तिच्या कामाचं कौतुक होत आहे. तर दुसरीकडे अभिनेत्रीला रुग्णालयात दाखल करण्यात आलं आहे. 'थँक्यू फॉर कमिंग' या सिनेमाच्या शूटिंगदरम्यान अभिनेत्रीला विषबाधा झाली आहे. 

#shehnaazgill - get well soon my love!! Take care 😣🧿 pic.twitter.com/PP7GU333lD

— 𝐂𝐡𝐞𝐫𝐫𝐲 (@__flylilies__) October 9, 2023

शहनाज गिलने इंस्टाग्रामवर लाईव्ह येत हेल्थ अपडेट दिली आहे. रुग्णालयातील व्हिडीओ शेअर करत अभिनेत्री म्हणत आहे,"सर्वांची वेळ येते...आता माझी वेळ आली आहे. आता माझी प्रकृती स्थिर आहे. सँडविच खाल्ल्याने मला विषबाधा झाली होती". शहनाजचा व्हिडीओ पाहून चाहते तिच्या प्रकृतीत लवकरात लवकर सुधारणा व्हावी यासाठी प्रार्थना करत आहेत. 

Get well soon ShehnaazGill is in Hospital 🥺💔#ShehnaazGiIl #shehnaazkaurgill #Shehnaazians #ShehnaazKaurGiII #ShehnaazGallery pic.twitter.com/CKANiBIWex

— Asmakhan (@zoyakhan9948a) October 9, 2023

जस्मिनने शेअर केला फोटो (Jasmin Bhasin Shared Photo)

अभिनेत्री जस्मिन भसीन तिच्या मित्रमैत्रीणींसोबत कर्जतला फिरायला गेली होती. कर्जतमध्ये मजा-मस्ती करतानाचे अभिनेत्रीचे फोटो आणि व्हिडीओ चांगलेच व्हायरल झाले. त्यानंतर जस्मिनने सोशल मीडियावर रुग्णालयातील एक फोटो शेअर केला. हा फोटो पाहून चाहत्यांना धक्काच बसला. फोटो शेअर करत विषबाधा झाल्याने रुग्णालयात दाखल झाल्याचं अभिनेत्री म्हणाली. 

जस्मिन भसीनने अनेक लोकप्रिय मालिकांमध्ये काम केलं आहे. छोट्या पडद्यावरील लोकप्रिय अभिनेत्रींमध्ये तिची गणना होते. सलमान खानच्या 'बिग बॉस 14' या कार्यक्रमामुळे अभिनेत्रई चांगलीच चर्चेत आली. या पर्वातील अली गोन या स्पर्धकासोबत सध्या ती रिलेशनमध्ये आहे. जस्मिनने 'खतरों के खिलाडी' या स्टंटबाजी कार्यक्रमातही आपला जलवा दाखवला आहे. 

दुसरीकडे, शहनाज गिल 'थँक्यू फॉर कमिंग' या सिनेमामुळे चर्चेत आहे. या सिनेमात ती भूमी पेडनेकर, कुशा कपिला, शिबानी बेदी, डॉली सिंह, करण कुंद्रा महत्त्वाच्या भूमिकेत आहेत. करण बुलानीने या सिनेमाचं दिग्दर्शन केलं आहे.

संबंधित बातम्या