तारीख पे तारीख! शिजान खानच्या जामिनावर 2 मार्चला होणार सुनावणी

Sheezan Khan : आज (27 फेब्रुवारी) शिजानचे वकिल शैलेंद्र मिश्रा यांनी न्यायालयात युक्तिवादाच्या वेळी आपला अशिल मुस्लिम असल्यामुळे त्याला जामीन मिळत नसल्याचा युक्तिवाद केला.

sheezan khan

Sheezan Khan: अभिनेत्री  तुनिषा शर्मा (Tunisha Sharma) आत्महत्येप्रकरणी अटकेत असलेला अभिनेता शिजान खानला (Sheezan Khan) आजही जामीन मिळाला नाही. वसई सत्र न्यायालयाने सुनावणीची पुढील तारीख 2 मार्च ही दिली आहे. शिजानच्या वकिलांनी दिनांक 20 फेब्रुवारीला वसई सत्र न्यायालयात जामिनासाठी अर्ज केला होता. आज (27 फेब्रुवारी) शिजानचे वकिल शैलेंद्र मिश्रा यांनी न्यायालयात युक्तिवादाच्या वेळी आपला अशिल मुस्लिम असल्यामुळे त्याला जामीन मिळत नसल्याचा युक्तिवाद केला. याला सरकारी वकिल संजय मोरे आणि तुनिषाचे वकिल तरुण शर्मा प्रत्युत्तर दिलं. 

दोन तास झाला युक्तिवाद

शिजान खानच्या जामीन अर्जावर आज जवळपास दोन तास युक्तिवाद झाला. अर्धा तास बंद रुममध्ये हा युक्तिवाद झाला. आतापुढी युक्तिवाद 2 मार्चला पुन्हा होईल. शिझानसोबत ब्रेकअप झाल्यानंतर पंधरा दिवसांनी म्हणजे 24 डिसेंबरला तुनिषाने वसईच्या कामण येथील सेटवर आत्महत्या केली होती. तुनिषाला अत्महत्या करण्यास प्रवृत्त केल्याच्या आरोपाखाली शिजान खानला 25 डिसेंबर रोजी अटक करण्यात आली होती. तेव्हापासून शिजान न्यायलयीन कोठडीत आहे. 

शिजानच्या वकिलांच्या वतीने त्याला जामीन मिळावा, यासाठी मुंबई उच्च न्यायालयात ही प्रयत्न सुरु होते. मात्र, वाळीव पोलिसांनी वसई न्यायालयात दोषारोपपत्र दाखल केल्यानं  शिजानच्या वकिलांनी मुंबई उच्च न्यायलयात जामीन अर्ज मागे घेतला. वसई सत्र न्यायालयात जामिनसाठी अर्ज दाखल केला होता. तेव्हापासून शिजानला पुन्हा तारीख पे तारीख मिळत आहे.

कोण आहे शिझान खान? 

शिझान खानचा जन्म 9 सप्टेंबर 1994 रोजी मुंबईत झाला. मुंबई विद्यापीठात शिक्षण घेतलेला शिझान अभिनेता आणि मॉडेल आहे. शिझानला बालपणीच अभिनयाची आवड लागल्याने त्याने हेच करिअर निवडलं. 'जोधा अकबर' (Jodha Akbar) या मालिकेच्या माध्यमातून त्याने मनोरंजनसृष्टीत पाऊल ठेवलं. त्यानं 'अलीबाबा : दास्ताने ए कुबुल' (Ali Baba : Dastaan - E - Kabul) या मालिकेमध्ये देखील काम केलं होतं. या मालिकेत तुनिषानं देखील प्रमुख भूमिका साकारली.

तुनिषानं या मालिकांमध्ये केलं काम

तुनिषा शर्माने 'भारत का वीर पुत्तर : महाराणा प्रताप' (Bharat Ka Veer Putra : Maharana Pratap), 'इंटरनेट वाला लव' (Internet Wala Love), 'इश्क सुभान अल्लाह' (Ishq Subhan Allah) अशा अनेक मालिकांमध्ये काम केलं होतं. तुनिषाच्यानं आत्महत्या केल्यानं अनेकांना धक्का बसला होता. 

वाचा इतर महत्वाच्या बातम्या: