Shah Rukh Khan : शाहरुख खान कश्मीरमध्ये स्पॉट; 'या' सिनेमाचं करतोय शूटिंग

Shah Rukh Khan : बॉलिवूडचा बादशाह शाहरुख खान सध्या त्याच्या आगामी 'डंकी' या सिनेमाच्या शूटिंगमध्ये व्यस्त आहे.

Shah Rukh Khan

Shah Rukh Khan Gets Grand Welcome In Kashmir : बॉलिवूडचा बादशाह शाहरुख खान (Shah Rukh Khan) सध्या त्याच्या आगामी 'डंकी' (Dunki) या सिनेमाच्या शूटिंगमध्ये व्यस्त आहे. या सिनेमाच्या शूटिंगसाठी तो आता कश्मीरला रवाना झाला आहे. कश्मीरमधील शाहरुखचा व्हिडीओ सोशल मीडियावर आता व्हायरल होत आहे. 

'डंकी'च्या शूटिंगसाठी शाहरुख कश्मीरला रवाना

अनेक वर्षांनंतर शाहरुख खान कश्मीरमध्ये त्याच्या सिनेमाचं शूटिंग करत आहे. याआधी तो 'जब तक है जान' या सिनेमाचं शूटिंग करताना दिसला होता. व्हायरल व्हिडीओमध्ये शाहरुख काळ्या रंगाच्या आऊटफिटमध्ये दिसून आला आहे. त्याचा हा व्हिडीओ चाहत्यांच्या पसंतीस उतरला आहे.

Shah Rukh Khan spotted entering the hotel in Sonamarg 👑 pic.twitter.com/CL7CBwsv9d

— Aryan (@tumhidekhonaa) April 24, 2023

Shah Rukh Khan And Hirani Sir at Kashmir for #Dunki Song Shooting 🔥 pic.twitter.com/mQSJLpMQrD

— SRKian BaBa 🐦 (@SRKian_BaBa) April 24, 2023

कश्मीरमध्ये शाहरुखचं जंगी स्वागत

शाहरुख खान सध्या 'डंकी' या सिनेमाचं शूटिंग करत आहे. कश्मीरमध्ये तो 'डंकी' या सिनेमातील एका गाण्याचं शूटिंग करणार आहे. कश्मीरमध्ये शाहरुखचं जंगी स्वागत करण्यात आलं आहे. 

शाहरुखचा 'डंकी' कधी प्रदर्शित होणार (Dunki Release Date)

जिओ स्टुडिओजने नुकचीच 100 सिनेमांची घोषणा केली आहे. यात शाहरुखच्या 'डंकी' या सिनेमाचादेखील समावेश आहे. या सिनेमाच्या दिग्दर्शनाची धुरा राजकुमार हिरानी यांनी सांभाळली आहे. हा सिनेमा डिसेंबर 2023 मध्ये प्रेक्षकांच्या भेटीला येणार आहे. या सिनेमात शाहरुखसोबत तापसी पन्नूदेखील मुख्य भूमिकेत दिसणार आहे. 

'डंकी' या सिनेमाच्या माध्यमातून शाहरुख आणि राजकुमार हिरानी पहिल्यांदाच एकत्र काम करणार आहेत. शाहरुख खानसोबत 'डंकी'मध्ये अभिनेत्री तापसी पन्नू मुख्य भूमिकेत आहे. आतापर्यंत या सिनेमाचं आर्ध्यापेक्षा जास्त शूटिंग पूर्ण झालं आहे. राजकुमार हिरानी, ​​अभिजात जोशी आणि कनिका धिल्लन यांनी लिहिलेल्या या चित्रपटाची निर्मिती राजकुमार हिरानी आणि गौरी खान यांनी केली आहे. या सिनेमाची शाहरुखचे चाहते आतुरतेने वाट पाहत आहेत. 

शाहरुखचे आगामी प्रोजेक्ट (Shah Rukh Khan Upcoming Project)

शाहरुख खानचा 'पठाण' (Pathaan) हा सिनेमा गेल्या काही दिवसांपूर्वी प्रेक्षकांच्या भेटीला आला आहे. या सिनेमाने जगभरातील बॉक्स ऑफिसवर चांगलाच धुमाकूळ घातला. आता शाहरुखचा 'जवान' (Jawan) हा सिनेमा 2 जून 2023 रोजी सिनेमागृहात प्रदर्शित होणार आहे. या सिनेमाचीदेखील चाहत्यांना उत्सुकता आहे. या सिनेमानंतर त्याचा बहुचर्चित 'डंकी' (Dunki) हा सिनेमा प्रदर्शित होणार आहे. या दोन्ही सिनेमांची किंग खानचे चाहते आतुरतेने वाट पाहत आहेत. 

संबंधित बातम्या