सलमान खानला जिवंत रहायचं असेल तर...; 'भाईजान'ला पुन्हा एकदा लॉरेन्स बिश्नोई गँगची धमकी

Salman Khan Death Threat : अभिनेता सलमान खानला पुन्हा एकदा बिश्नोई गँगकडून धमकी मिळाली आहे. लॉरेन्स बिश्नोईच्या भावाने धमकी दिली आहे.

Salman Khan Lawrence Bishnoi Death Threat

Source : ABP Majha

Salman Khan Lawrence Bishnoi Death Threat : अभिनेता सलमान खानला पुन्हा एकदा धमकी मिळाली आहे. लॉरेन्स बिश्नोईच्या भावाने आता सलमान खानला धमकी दिली आहे. सलमान खाननं माफी मागावी, अन्यथा त्याला जीवे मारण्याची धमकी देण्यात आली आहे. मुंबई पोलिसांना धमकीचा मेसेज आला आहे. धमकी देणाऱ्याने लॉरेन्स बिष्णोईच्या नावाने धमकीचा मेसेज मुंबई पोलिसांच्या वाहतूक नियंत्रण कक्षाला पाठवला आहे.

अभिनेता सलमान खानला पुन्हा एकदा धमकी

 वाहतूक नियंत्रण कक्षाला आलेल्या मेसेजमध्ये लारेन्स बिष्णोईचा भाऊ बोलत असल्याचं सांगत धमकी देण्यात आली आहे. अभिनेता सलमान खान लॉरेन्स बिश्नोई गँगच्या निशाण्यावर असल्याचं बोललं जात आहे. सलमान खान काळवीट शिकार प्रकरणामध्ये आरोपी आहे. बिश्नोई समाज काळविटाची पूजा करतो, यामुळे या प्रकरणापासून लॉरेन्स बिश्नोईने सलमान खानला धमक्या देण्यास सुरुवात केली. एप्रिल 2024 मध्ये सलमानच्या घरावर गोळीबारही करण्यात आला होता. दरम्यान, बाबा सिद्दीकी यांच्या हत्येनंतर सलमान खानच्या सुरक्षेत वाढ करण्यात आली आहे.

"सलमान खानला जिवंत रहायचं असेल तर..."

वाहतूक नियंत्रण कक्षाला आलेल्या मेसेजमध्ये दावा करण्याता आला आहे की, संबंधित व्यक्ती गँगस्ट लॉरेन्स बिश्नोईला भाऊ आहे. धमकीच्या मेसेजमध्ये लिहिलं आहे की, 'सलमान खानला जिवंत रहायचं असेल तर त्याने आमच्या मंदिरात जाऊन माफी मागावी, किंवा पाच कोटी रुपये द्यावे. असे न केल्यास आम्ही त्याला जीवे मारू. आमची गँग आजही सक्रिय आहे'. असा धमकीवजा मेसेज मुंबई वाहतूक नियंत्रण कक्षाला सोमवारी मध्यरात्री आला आहे. मुंबई पोलिसांच्या वाहतूक नियंत्रण  कक्षाला मेसेज करणाऱ्या व्यक्तीचा शोध सध्या पोलिस घेत आहेत. या प्रकरणी तपास सुरु आहे.

सलमान खान बिश्नोई गँगकडून वारंवार धमक्या

काही दिवसांपूर्वी अभिनेता सलमान खानलाही जीवे मारण्याच्या धमक्या आल्या होत्या. या प्रकरणी पोलिसांनी नोएडा येथून एका व्यक्तीला अटक केली होती. मुंबई पोलिसांच्या ट्रॅफिक हेल्पलाइन क्रमांकावर अनेक व्हॉट्सॲप मेसेज पाठवून बॉलिवूड सुपरस्टारकडून दोन कोटी रुपयांची मागणी केल्याप्रकरणी वरळी पोलिसांनी अज्ञात व्यक्तीविरुद्ध गुन्हा दाखल केला होता.

सलमान खानची 25 कोटींची सुपारी

बिश्नोई गँगच्या अटकेत असलेल्या आरोपीने पोलिस तपासात खुलासा केला होता की, लॉरेन्स बिश्नोई गँगने त्यांना सलमान खानला जीवे मारण्यासाठी 25 कोटी रुपयांची सुपारी दिली होती. सलमानच्या मुंबई आणि पनवेल येथील फार्म हाऊसवर अनेक जणांना रेकी करण्यासाठी ठेवण्यात आलं होतं. सलमान खानला पनवेलच्या फार्म हाऊसवर मारण्याचा प्लॅन होता, अशीही धक्कादायक माहिती आरोपींनी पोलिस चौकशीत दिली आहे. पोलिस या प्रकरणी अधिक तपास करत आहेत.

महत्त्वाच्या इतर बातम्या :