Salman Khan defamation case: सलमान खानच्या याचिकेवर हायकोर्टानं निकाल राखून ठेवला; काय आहे प्रकरण?

मुंबई उच्च न्यायालयात दोन्ही पक्षांचा युक्तिवाद पूर्ण झाला आहे. पण न्यायालयाने अजूनही निर्णय राखून ठेवला आहे.

Salman Khan

Salman Khan defamation case:  अभिनेता सलमान खानच्या (Salman Khan) पनवेल (Panvel) येथील फार्महाऊस जवळच असलेल्या भूखंडाचे मालक केतन कक्कड (Ketan Kakkad) यांनी एका यूट्युब चॅनलच्या माध्यमातून बदनामी केल्यानं सलमाननं त्याच्या विरोधात मानहानीचा खटला केला होता. अशा प्रकारच्या अपमानकारक व्हिडिओला ब्लॉक करत तात्काळ हटवून टाकावं, असे अंतरिम आदेश देण्याची विनंती करत सलमानने हायकोर्टात केली होती. मुंबई उच्च न्यायालयात दोन्ही पक्षांचा युक्तिवाद पूर्ण झाला आहे असून न्यायालयाने निर्णय राखून ठेवला आहे. पनवेलमधील सलमानच्या फार्म हाऊसशेजारी राहणाऱ्या केतन कक्करविरुद्ध दाखल केलेल्या मानहानीच्या दाव्यात मुंबई सत्र न्यायालयानं सलमान खानला कुठलाही दिलासा देण्यास नकार दिला होता. त्यानंतर मुंबई सत्र न्यायालयाने दिलेल्या आदेशाविरुद्ध सलमान खाननं मुंबई उच्च न्यायालयात याचिका दाखल केली. 

काय आहे प्रकरण? 

सलमान खाननं त्याच्या शेजाऱ्याविरोधात म्हणजेच केतन कक्कड विरोधात मानहानीचा दावा दाखल केला. सोशल मीडियावर सलमान खानचे फोटो पोस्ट केल्यामुळे त्याला आणि त्याच्या कुटुंबियांना त्रास झाला यावर बंदी घातली पाहिजे, असं या तक्रारीमध्ये सलमाननं म्हटलं

कक्कड यांचा व्हिडीओ हा काल्पनिक असून केवळ बदनामीकारकच नाही तर सलमान खानविरोधात लोकांमध्ये जातीयदृष्ट्या तेढ भडकवणाराही आहे, असा दावा सलमानच्यावतीनं जेष्ठ वकील रवी कदम यांनी केला. तसेच अल्पसंख्याक समुदायाचा सदस्य असलेला सलमान त्याच्या फार्महाऊसजवळील गणेश मंदिर बळकावण्याचा प्रयत्न करत असल्याचंही कक्कड म्हणाले आहेत. एकीकडे अयोध्येत मंदिर उभाण्यासाठी 500 वर्षे लागली तर इथे सलमान खान एक गणेश मंदिर बंद करण्याचा प्रयत्न करत आहे असा उल्लेख करत कक्कड यांनी सलमानची तुलना थेट बाबर आणि औरंगजेबशी केल्याचा आरोप कदम यांनी केला. हे व्हिडीओ पाहिल्यानंतर शेकडो लोकं सलमानविरोधात सोशल मीडियावर शेरेबाजी करत असल्याचंही त्यांनी कोर्टाला सांगितलं.

सलमानचे आगामी चित्रपट

 ‘पठाण’ या चित्रपटामध्ये सलमान कॅमिओ करणार आहे. ‘टायगर 3’, 'किसी का भाई किसी की जान'  हे त्याचे आगामी चित्रपट लवकरच प्रेक्षकांच्या भेटीस येणार आहे. 

वाचा इतर महत्त्वाच्या: