एक्स्प्लोर

'रुद्रमादेवी' फेम अभिनेत्री Hamsa Nandini ला स्तनाच्या कर्करोगाचे निदान

Hamsa Nandini : अभिनेत्री हमसा नंदिनीला स्तनाच्या कर्करोगाचे निदान झाले आहे.

By : एबीपी माझा वेब टीम | Edited By: मंजिरी पोखरकर | Updated at : 20 Dec 2021 09:44 PM (IST)

Hamsa

Hamsa Nandini : तेलुगू अभिनेत्री हमसा नंदिनीला (Hamsa Nandini) स्तनाच्या कर्करोगाचे निदान झाले आहे. अभिनेत्रीने स्वत: सोशल मीडियाद्वारे स्तनाचा कर्करोग झाल्याची माहिती दिली आहे. हमसा नंदिनी म्हणाली की, तिला ग्रेड III इनवेसिव्ह कार्सिनोमा म्हणजेच स्तनाच्या कर्करोगाचे निदान झाले आहे. तसेच तिच्यावर शस्त्रक्रियादेखील करण्यात आली आहे.

हमसा नंदिनी म्हणाली,"मला गंभीर स्वरुपाचा कर्करोग झालेला नाही. माझे आयुष्य कितीही अन्यायकारक, निराशावादी आणि नकारात्मक झाले असले तरी मी धैर्याने पुढे जाईन."
अभिनेत्रीला पुढील तीन वर्षांसाठी केमोथेरपी आणि रेडिएशनच्या 16 फेऱ्यांना सामोरे जावे लागेल आणि तिच्या पोस्टनुसार आतापर्यंत तिने केमोथेरपीच्या नऊ फेऱ्या पार केल्या आहेत.

View this post on Instagram

A post shared by Hamsa Nandini (@ihamsanandini)

नंदिनीचा कर्करोग आनुवंशिक असल्याचे म्हटले जात आहे. त्यानुसार नंदिनीने आता आजारावर मात केली तरी तिला स्तनाचा कर्करोग होण्याची शक्यता 70 टक्के आहे आणि गर्भाशयाचा कर्करोग होण्याची शक्यता 45 टक्के आहे. मोठ्या पडद्यावर आपल्या अभिनयाचा ठसा उमटवणारी नंदिनी 'अथरिंटिकी धरेडी' आणि 'सोग्गडे चिन्नी नयना' या तेलुगू चित्रपटांमधील तिच्या धमाकेदार नृत्यासाठी ओळखली जाते.

संबंधित बातम्या