SSR Case | रियाचा भाऊ शौविक चक्रवर्तीच्या व्हॉट्सअॅप चॅटमधून गौप्यस्फोट; वडिलांसाठी सप्लायरकडून घ्यायचा ड्रग्ज

सीबीआय आणि नार्कोटिक्स कंट्रोल ब्युरो सध्या सुशांत सिंह मृत्यू प्रकरणात चौकशी करत आहेत. अशातच रिया चक्रवर्तीचा भाऊ शौविक चक्रवर्ती आणि एक ड्रग्ज सप्लायर यांच्यामधील व्हॉट्सअॅप चॅटमधून धक्कादायक गोष्ट समोर आली आहे.

मुंबई : सुशांत सिंह राजपूत आत्महत्या प्रकरणी दिवसागणिक नवनवे खुलासे होत आहेत. सीबीआय या प्रकरणाचा कसून तपास करत आहे. सध्या सुशांतची गर्लफ्रेंड रिया चक्रवर्ती, तिचा भाऊ शौविक चक्रवर्ती, वडील इंद्रजीत चक्रवर्ती, एक्स मॅनेजर श्रुती मोदी, मित्र सिद्धार्थ पीठानी, स्टाफ मॅनेजर दिपेश सावंत आणि इतर लोकांची चौकशी सीबीआय करत आहे. सध्या याप्रकरणात नार्कोटिक्स कंट्रोल ब्युरोही तपास करत आहे. याप्रकरणातील ड्रग्ज अँगल तपासण्यात येत असून यासंदर्भात अनेक धक्कादायक खुलासे समोर येत आहेत.

टाइम्स नाऊने दिलेल्या वृत्तानुसार, रिया चक्रवर्तीचा भाऊ शौविक चक्रवर्ती आणि एक ड्रग्ज सप्लायर यांच्यामधील व्हॉट्सअॅप चॅटमधून धक्कादायक खुलासा करण्यात आला आहे. शौविक आपल्या वडिलांसाठी काही ड्रग्जची मागणी करत होता. मीडिया रिपोर्ट्सनुसार, चॅटमधून असं समोर आलं आहे की, इंद्रजीत यांना आपल्या मुलांच्या सवयींबाबत माहित होतं. एवढचं नाहीतर इंद्रजीत स्वतःही ड्रग्ज घेत होते. सीबीआयने रियाचे वडिल इंद्रजीत चक्रवर्ती यांना चौकशी दरम्यान या चॅटसंदर्भात विचारलं होतं.

चौकशी दरम्यान संतापले इंद्रजीत चक्रवर्ती

शौविक चक्रवर्तीच्या व्हॉट्सअॅप चॅटसंदर्भात चौकशीसंदर्भात सीबीआयने रिया चक्रवर्तीच्या आई-वडिलांना चौकशीसाठी समन्स पाठवलं होतं. मंगळवारी रियाचे आई-वडिल सीबीआयसमोर चौकशीसाठी हजर झाले होते. त्यावेळी इंद्रजीत चक्रवर्ती यांना या व्हॉट्सअॅप चॅटसंदर्भात विचारण्यात आलं. त्यावेळी ते याबाबत योग्य उत्तरं देऊ शकले नाहीत आणि संतापले. ते मंगळवारी सकाळी जवळपास 11 वाजता सीबीआय चौकशीसाठी हजर झाले होते. सीबीआयने रियाचा भाऊ शौविकची देखील ड्रग्ज अँगलबाबत चौकशी केली.

ड्रग्ज सप्लाय करणारी व्यक्ती आणि शौविक यांच्यातील कनेक्शन

दरम्यान, सुशांत सिंह राजपूत मृत्यू प्रकरणात ड्रग्ज अँगलवर तपास करणाऱ्या NCB च्या टीमने एका व्यक्तीला अटक केली आहे. NCB ने ज्या व्यक्तीला अटक केली आहे. त्या व्यक्तीचं कनेक्शन रिया चक्रवर्तीचा भाऊ शौविकसोबत आहे. या व्यक्तीची कसून चौकशी केली जात आहे आणि हे जाणून घेण्याचा प्रयत्न सुरु आहे की, संबंधित व्यक्ती शौविक्या संपर्कात कशी आली? शौविकसुद्धा ड्रग्ज घेत होता का? अटक करण्यात आलेल्या व्यक्तीला बुधवारी कोर्टात हजर करण्यात येणार आहे.

महत्त्वाच्या बातम्या :