Ranveer Singh : रणवीर सिंह आता शाहरुखचा शेजारी, वांद्र्यात 4 मजले विकत घेतले, किंमत वाचून थक्क व्हाल
Ranveer Singh Buy New House : बॉलिवूडमधील बाजीराव म्हणजेच रणवीर सिंह (Ranveer Singh) लवकरच शाहरुख खानचा (Shah Rukh Khan) शेजारी होणार आहे.
Ranveer Singh Buy New House : बॉलिवूडमधील बाजीराव म्हणजेच रणवीर सिंह (Ranveer Singh) लवकरच शाहरुख खानचा (Shah Rukh Khan) शेजारी होणार आहे. रणवीर सिंह आणि त्याचे वडिलांनी वांद्र्यामध्ये एका इमरातीमध्ये चार मजले (क्वाड्राप्लेक्स घर) घेण्यासाठी कोट्यवधी रुपयांचा व्यवहार केला आहे. रणवीर सिंह याने घेतलेले नवीन घर शाहरुख खान याच्या मन्नत बंगल्याजवळ आहे. रणवीर सिंह याने तब्बल 119 कोटी रुपयांमध्ये वांद्र्यामध्ये चार मजले विकत घेतले आहेत. त्यामुळे आता शाहरुख आणि रणवीर शेजारी शेजारी झाले आहेत.
प्रसारमाध्यमांच्या वृत्तानुसार, बॉलिवूडमधील प्रसिद्ध अभिनेता रणवीर सिंह आणि त्याचे वडिल जुगजीत भवनानी यांची ओह फाईव्ह ओह मीडिया वर्क एलएलपी कंपनीने 119 कोटी रुपयांची रिअल इस्टेटमध्ये खरेदी केली आहे. रणवीर आता वांद्र्यामध्ये 19 कार पार्किंगसह क्वाड्राप्लेक्सचा (चार मजले) मालक झाला आहे. बँडस्टँडवर (Bandstand ) रणवीरने नवीन क्वाड्राप्लेक्स (चार मजले) खरेदी केले आहे. त्यामुळे रणवीर आता शाहरुख खानचा शेजारी झाला आहे.
8 जुलै 2022 रोजी ओह फाईव्ह ओह मीडिया वर्क्स एलएलपी (Oh Five Oh Media Works LLP) कंपनीने वांद्रा येथील सागर रेशम इमारतीमध्ये 16, 17, 18 आणि 19 असे चार मजले विकत घेतले आहेत. ही खरेदी तब्बल 118.94 कोटी रुपयांची झाली आहे. रणवीर सिंह याने तब्बल 7.13 कोटी रुपयांची स्टॅम्प ड्युटी भरली आहे. रणवीरने खरेदी केलेल्यामध्ये 11,266 sq. ft इतका कारपेट एरियासह 1300 स्क्वेअरफूटचा टेरिस एरिया आहे. 19 कार पार्किंगची जागाही या खरेदीमध्ये आहे. टेरिसची जागा बाजूला केल्यास रणवीर सिंह याने जवळपास प्रत्येक स्क्वेअरफूटला 1.05 लाख रुपये मोजले आहेत. दरम्यान, याबाबत अद्याप रणवीर सिंह अथवा त्याच्या कुटुंबाकडून अधिकृत प्रतिक्रिया समोर आलेली नाही. पण IndexTap येथे खरेदी झाल्याची माहिती मिळतेय.
रणवीरचे आगामी चित्रपट -
रणवीर नुकताच 'जयेशभाई जोरदार' या चित्रपटात दिसला होता. यशराज प्रॉडक्शनचा हा चित्रपट बॉक्स ऑफिसवर फारशी जादू दाखवू शकला नाही. या चित्रपटाने केवळ 15.59 कोटींची कमाई केली. तो लवकरच रोहित शेट्टीच्या 'सर्कस' या चित्रपटात दिसणार आहे. या शिवाय तो करण जोहरच्या ‘रॉकी और रानी की प्रेम कहानी ’मध्येही मुख्य भूमिका साकारताना दिसणार आहे. ‘रॉकी और रानी की प्रेम कहानी' या चित्रपटामध्ये रणवीरसोबतच आलिया भट देखील प्रमुख भूमिका साकारणार आहे.
हेही वाचा:
Ranveer vs Wild: दीपिकासाठी फुल आणायला निघालेल्या रणवीरला अश्रू झाले अनावर; बेयर ग्रील्सनं दिलं प्रोत्साहन
Ranveer Singh : रणवीर सिंहला खावं लागणार झुरळ? बेयर ग्रील्सच्या शोमध्ये दिसणार जबरदस्त धमाका!
महत्त्वाच्या बातम्या
