(Source: Poll of Polls)
Ranbir Kapoor: ॲनिमलनंतर डायरेक्ट रामाच्या भूमिकेत, आता रणबीर परत ॲक्शन मोडमध्ये! Video लिक
रणबीर कदाचित धूम ४ मध्ये दिसू शकतो अशी चर्चा सुरु झाली आहे. ॲनिमल चित्रपटानंतर रामायणात रामाची भूमिका साकारणारा अभिनेता रणबीर कपूर आता पुन्हा ॲक्शन मोडमध्ये दिसतोय.
Ranbir Kapoor: बॉलिवूडचा सुपरस्टार रणबीर कपूर सध्या सगळीकडे चर्चेत असतो. आलिया आणि राहामुळेही आणि त्याच्या नव्या सिनेमाच्या चर्चेमुळेही. रामायण सिनेमात त्याच्या रामाच्या भूमिकेची चर्चा असताना आता रणबीर कपूरचा एक व्हिडिओ सोशल मीडियावर चांगलाच फिरतोय. या व्हिडिओत रणबीर आणि त्याची हिरोईन स्वत:चा बचाव करण्यासाठी धावताना दिसतायत. रणबीरच्या आगामी फिल्मच्या टिझरचा लिक व्हिडिओ असं सांगत हा व्हिडिओ पोस्ट करण्यात आलाय. रणबीर कदाचित धूम ४ मध्ये दिसू शकतो अशी चर्चा सुरु झाली आहे. ॲनिमल चित्रपटानंतर रामायणात रामाची भूमिका साकारणारा अभिनेता रणबीर कपूर आता पुन्हा ॲक्शन मोडमध्ये दिसतोय.
लिक व्हिडिओ सोशल मीडियावर व्हायरल
सध्या रणबीर कपूर धूम ४ मध्ये दिसणार असल्याच्या चर्चा रंगल्या आहेत. याचं कारण आहे त्याच्या आगामी प्रोजेक्टचा एक लिक झालेला व्हिडिओ. सध्या सोशल मीडियावर रणबीर घरांच्या छतावर त्याच्या हिरोईनसोबत स्वत:चा बचाव करण्यासाठी धावताना दिसतायत. आता लपायची कोणतीही जागा नसल्याचं सांगताच तो द एक जागा असल्याचं सांगतोय आणि नंतर द सेफ हाऊस असं म्हणत हा व्हिडिओ संपतोय. या व्हिडिओखाली चाहत्यांनी रणबीर धूम ४ मध्ये झळकणार असल्याचं लिहिलंय. पण धूम ४ मध्ये दिसणार असल्याचं कोणतंही अधिकृत वक्तव्य रणबीरकडून आलेलं नाही.
View this post on Instagram
चाहत्यांच्या प्रतिक्रीया काय येतायत?
रणबीर कपूर धूम 4 चा भाग असल्याच्या अफवा बऱ्याच दिवसांपासून चर्चेत आहेत. हा व्हायरल व्हिडिओ त्याच्या चित्रपटाचा भाग असू शकतो, असा विश्वास चाहत्यांना आहे. अनेकांनी व्हिडिओवर कमेंट केल्या आहेत. काही जणांनी म्हटलंय “हे धूम 4 आहे का? त्याचवेळी काही युजर्सनी या सीनची तुलना सलमान खानच्या टायगरशी केली. एका यूजरने लिहिले की, “एक था टायगरचा रिमेक दिसतोय” तर अनेकजण ही जाहीरात असल्याचंही सूचवतायत. आता नक्की तो कोणता प्रोजेक्ट करतोय हे अधिकृत झाल्यावरच समजेल. हा व्हायरल व्हिडिओ जाहिरातीचा भाग असला तरी धूम 4 मध्ये रणबीरला पाहण्यासाठी चाहते आतुर झाले आहेत.
महत्त्वाच्या बातम्या
ट्रेंडिंग न्यूज
