Happy Birthday Ranbir Kapoor : 'रॉकस्टार' ते 'संजू'; IMDb वरील रणबीर कपूरच्या 'Top 10' सिनेमांबद्दल जाणून घ्या...

Ranbir Kapoor : बॉलिवूड अभिनेता रणबीर कपूरने अनेक गाजलेल्या सिनेमांत काम केलं आहे.

Ranbir Kapoor

Ranbir Kapoor : बॉलिवूड अभिनेता रणबीर कपूर (Ranbir Kapoor) आज 41 वा वाढदिवस साजरा करत आहे. अभिनेत्याने आजवर अनेक सुपरहिट सिनेमांत काम केलं आहे. 'बर्फी', 'रॉकस्टार', 'संजू', 'ये जवानी है दिवानी', 'राजनीती' अशा अनेक सिनेमांत त्याने काम केलं आहे. 

रणबीर कपूरने संजय लीला भन्साळीच्या 'साँवरिया' या सिनेमाच्या माध्यमातून 2007 मध्ये अभिनयक्षेत्रात पदार्पण केलं आहे. त्यानंतर बॉक्स ऑफिसवर सुपरहिट ठरलेल्या अनेक सिनेमांत त्याने काम केलं आहे. रणबीरला त्याच्या अभिनयासाठी अनेक पुरस्कारांनी सन्मानित करण्यात आले आहे. 2008 मध्ये सर्वोत्तम पुरुष पदार्पणासाठीच्या फिल्मफेअर पुरस्काराने त्याचा सन्मान करण्यात आला.

IMDb वरील रणबीर कपूरच्या सर्वोच्च रेटींग असलेल्या 'टॉप 10' सिनेमांबद्दल जाणून घ्या... (Ranbir Kapoor Top 10 Movies)

1. बर्फी (Barfi) - 8.1
2. रॉकस्टार (Rockstar) - 7.7
3. संजू (Sanju) - 7.6
4. वेक अप सिड - 7.6
5. रॉकेट सिंह: सेल्समन ऑफ द इअर - 7.5
6. तमाशा - 7.3
7. ये जवानी है दिवानी (Yeh Jawaani Hai Deewani) - 7.2
8. राजनीति - 7.1
9. जग्गा जासूस – 6.4
10. बचना ए हसीनो – 6.2

रणबीर कपूर हा हिंदी सिनेसृष्टीतील चॉकलेट बॉय आहे. टाइम्स नाऊच्या रिपोर्टनुसार, रणबीर कपूरची एकूण संपत्ती 345 कोटींच्या आसपास आहे. अभिनेत्याने आपल्या कारकिर्दीत अनेक लोकप्रिय सिनेमांत काम केलं आहे. एका सिनेमासाठी अभिनेता 50 कोटी रुपये मानधन घेतो. तर एका जाहीरातीसाठी तो सहा कोटी रुपयांचं मानधन घेतो. 

रणबीरचा 'ब्रह्मास्त्र' हा सिनेमा काही दिवसांपूर्वी प्रेक्षकांच्या भेटीला आला होता. या सिनेमात तो आलिया भट्टसोबत स्क्रीन शेअर करताना दिसला होता. आता रणबीरचा 'अॅनिमल' (Animal) हा सिनेमा प्रेक्षकांच्या भेटीसाठी सज्ज आहे. या सिनेमात तो अनिल कपूर, बॉबी देओल आणि रश्मिका मंदानासोबत स्क्रीन शेअर करताना दिसणार आहे. संदीप रेड्डी वांगा यांनी या सिनेमाच्या दिग्दर्शनाची धुरा सांभाळली होती. रणबीर कपूरच्या या बहुचर्चित आगामी सिनेमाची प्रेक्षकांना उत्सुकता आहे.

रणबीरला व्हायचंय दिग्दर्शक...

रेड सी आंतरराष्ट्रीय चित्रपट महोत्सवात रणबीर (Ranbir Kapoor) म्हणालेला,"मला दिग्दर्शक व्हायचं आहे. तसेच मला लेखकाचं कामदेखील आवडतं. लेखकाचं काम आवडत असलं तरी मी उत्तम संहितालेखक होऊ शकत नाही. सिनेमांची निर्मिती करण्याची माझी इच्छा आहे. पुढच्या दहा वर्षात एक तरी सिनेमाचं मी दिग्दर्शन करू शकतो. रणबीर कपूर सध्या बॉलिवूडचा आघाडीचा अभिनेता आहे.

संबंधित बातम्या