Sam Bahadur Vs Animal : 'सॅम बहादुर' आणि 'अॅनिमल' बॉक्स ऑफिसवर भिडणार; रणबीर कपूर अन् विकी कौशलमध्ये कोण सर्वात भारी?
Animal Vs Sam Bahadur : 'अॅनिमल' आणि 'सॅम बहादुर' हे सिनेमे बॉक्स ऑफिसवर आमने-सामने येणार आहेत.
Ranbir Kapoor Animal Vs Vicky Kaushal Sam Bahadur : डिसेंबर महिना सिनेसृष्टीसाठी फारच खास असणार आहे. या महिन्यात बॉक्स ऑफिसवर मनोरंजनाचा धमाका होणार आहे. बड्या कलाकारांचे अनेक बिग बजेट सिनेमे या महिन्यात प्रदर्शित होणार आहेत. रणबीर कपूरचा (Ranbir Kapoor) 'अॅनिमल' (Animal) आणि विकी कौशलचा (Vicky Kaushal) 'सॅम बहादुर' (Sam Bahadur) हे सिनेमे आमने-सामने येणार आहेत.
बॉक्स ऑफिसवर भिडणार रणबीर कपूर आणि विकी कौशल
संदीप रेड्डी वांगा दिग्दर्शित 'अॅनिमल' (Animal) हा सिनेमा 1 डिसेंबर 2023 रोजी सिनेमागृहात प्रदर्शित होणार आहे. रणबीरच्या (Ranbir Kapoor) वाढदिवसानिमित्त या सिनेमाचा टीझर आऊट करण्यात आला होता. आता रणबीरचे चाहते या सिनेमाची आतुरतेने वाट पाहत आहेत. तर दुसरीकडे विकी कौशलचा (Vicky Kaushal) 'सॅम बहादुर' (Sam Bahadur) हा सिनेमादेखील 1 डिसेंबर 2023 रोजी प्रेक्षकांच्या भेटीला येणार आहे. त्यामुळे आता रणबीर कपूर आणि विकी कौशल बॉक्स ऑफिसवर भिडणार आहेत.
View this post on Instagram
'या' सिनेमात एकत्र झळकलेले रणबीर-विकी
रणबीर कपूर (Ranbir Kapoor) आणि विकी कौशल (Vicky Kaushal) यांनी 2018 मध्ये रिलीज झालेल्या 'संजू' (Sanju) या सिनेमात एकत्र काम केलं होतं. संजय दत्त (Sanjay Dutt) यांच्या आयुष्यावर आधारित असलेल्या या कार्यक्रमात रणबीर कपूरने संजू बाबाची भूमिका साकारली होती. तर 'सैम बहादुर' अभिनेता विकी कौशलने या सिनेमात 'कमली'ची भूमिका साकारली होती.
View this post on Instagram
'संजू' या सिनेमातील रणबीर कपूर आणि विकी कौशलची केमिस्ट्री चाहत्यांच्या पसंतीस उतरली होती. बॉक्स ऑफिसवर या सिनेमाने चांगलीच कमाई केली. भारतीय बॉक्स ऑफिसवर या सिनेमाने 339 कोटी रुपयांचा गल्ला जमवला. ऑनस्क्रीन 'संजू' आणि 'कमली' 1 डिसेंबरला आमने-सामने येणार आहेत. त्यामुळे कोण कोणावर भारी पडणार हे जाणून घेण्यासाठी प्रेक्षकही उत्सुक आहेत.
संबंधित बातम्या
Sam Bahadur Teaser Out: सॅम बहादुर चित्रपटाचा दमदार टीझर रिलीज; विकी कौशल आणि फातिमा सना शेख प्रमुख भूमिकेत
महत्त्वाच्या बातम्या
ट्रेंडिंग न्यूज
