Sam Bahadur Teaser Out: सॅम बहादुर चित्रपटाचा दमदार टीझर रिलीज; विकी कौशल आणि फातिमा सना शेख प्रमुख भूमिकेत
Sam Bahadur Teaser Out: सॅम बहादुर या चित्रपटाच्या टीझरमधील विकीचा लूक, विकीची नजर आणि त्याचे डायलॉग्स या सगळ्याच गोष्टी प्रेक्षकांचे लक्ष वेधत आहेत.
Sam Bahadur Teaser Out: अभिनेता विकी कौशलच्या (Vicky Kaushal) सॅम बहादुर (Sam Bahadur) या चित्रपटाचा टीझर रिलीज झाला आहे. या टीझरमध्ये विकीचा जबरदस्त अभिनय प्रेक्षकांना बघायला मिळत आहे. सॅम बहादुर या चित्रपटाच्या टीझरमधील विकीचा लूक, विकीची नजर आणि त्याचे डायलॉग्स या सगळ्याच गोष्टी प्रेक्षकांचे लक्ष वेधत आहेत. सॅम बहादुर या चित्रपटामध्ये विकीनं सॅम माणेकशॉ (Sam Manekshaw) यांची भूमिका साकारली आहे.
"एक सोल्जर के लिए उसरी जान से ज्यादा कीमती होती है उसकी इज्जत.... और एक सोल्जर अपनी वर्दी की इज्जत के लिए अपनी जान भी दे सकता है." हा विकीचा डायलॉग टीझरच्या सुरुवातीला ऐकू येतो. टीझरमध्ये अभिनेत्री फातिमा सना शेख आणि सान्या मल्होत्रा यांची देखील झलक बघायला मिळते. फातिमा सना शेखनं सॅम बहादुर या चित्रपटात इंदिरा गांधी यांची भूमिका साकारली आहे तर सान्या मल्होत्रानं सॅम माणेकशॉ यांच्या पत्नी सिल्लू माणेकशॉ यांची भूमिका साकारली आहे. विकीनं सोशल मीडियावर सॅम बहादुर या चित्रपटाचा टीझर शेअर केला आहे. विकीनं टीझरला कॅप्शन दिलं, "जिंदगी उनकी. इतिहास हमारा."
पाहा टीझर:
View this post on Instagram
"मुझे पॉलिटिक्स में कोई इंटरेस्ट नहीं है, आर्मी ही मेरी लाईफ है", हा विकीचा डायलॉग देखील सॅम बहादुर या चित्रपटाच्या टीझरमध्ये ऐकू येतो. विकीनं सॅम बहादुर या चित्रपटाचा टीझर सोशल मीडियावर शेअर केल्यानंतर अनेक सेलिब्रिटींना या टीझरला कमेंट करुन विकीच्या अभिनयाचं कौतुक केलं आहे. अर्जुन कपूर, वरुण धवन यांनी टीझरला कमेंट करुन विकीला त्याच्या या आगामी चित्रपटासाठी शुभेच्छा दिल्या आहेत.
कधी रिलीज होणार चित्रपट
1 डिसेंबर 2023 रोजी हा चित्रपट रिलीज होणार आहे. मेघना गुलजार यांनी देखील सॅम बहादुर चित्रपटाचे दिग्दर्शन केलं आहे. विकीच्या या चित्रपटाची प्रेक्षक उत्सुकतेने वाट बघत आहेत. नीरज काबी, एडवर्ड सोनेनब्लिक, रिचर्ड भक्ती क्लेन, साकिब अयुब आणि कृष्णकांत सिंग बुंदेला या कलाकारांनी देखील या चित्रपट महत्वाची भूमिका साकारली आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
