VIDEO: 'अॅनिमल' मधील भाभी-2 चा पुन्हा एकदा रणबीरसोबत खुलेआम रोमान्स!
Ranbir Kapoor And Tripti Dimri: 69 व्या फिल्मफेअर पुरस्कार सोहळ्यात (69th Filmfare Awards) रणबीर आणि अभिनेत्री तृप्ती डिमरी यांनी पहले भी मैं या गाण्यावर डान्स केला.
Ranbir Kapoor And Tripti Dimri: 69 व्या फिल्मफेअर पुरस्कार सोहळा (69th Filmfare Awards) पार पडला आहे. गुजरातमध्ये या पुरस्कार सोहळ्याचं आयोजन करण्यात आले होते.या पुरस्कार सोहळ्याला अनेक सेलिब्रिटींनी हजेरी लावली. या पुरस्कार सोहळ्यात काही सेलिब्रिटींनी परफॉर्म देखील केलं. अभिनेते रणबीर कपूरनं (Ranbir kapoor) देखील फिल्मफेअर पुरस्कार सोहळ्यात त्याच्या अॅनिमल या चित्रपटातील गाण्यावर डान्स केला. यावेळी रणबीर आणि अभिनेत्री तृप्ती डिमरी (Tripti Dimri) यांनी पहले भी मैं या गाण्यावर डान्स केला.
तृप्ती आणि रणबीरच्या केमिस्ट्रीनं वेधलं लक्ष
पुरस्कार सोहळ्यातील रणबीर कपूर आणि भाभी-2 म्हणजेच तृप्ती डिमरी यांचा एक व्हिडीओ सोशल मीडियावर व्हायरल होत आहे. ज्यामध्ये रणबीर आणि तृप्ती हे डान्स करताना दिसत आहेत. या व्हिडीओमधील रणबीर आणि तृप्ती यांच्या केमिस्ट्रीनं अनेकांचे लक्ष वेधले.
पाहा व्हिडीओ:
View this post on Instagram
आलिया आणि रणबीरनं 'जमाल कुडू' गाण्यावर केला डान्स
69 व्या फिल्मफेअर पुरस्कार सोहळ्यात आलिया भट्टला (Alia Bhatt) 'रॉकी और रानी की प्रेम कहानी' (Rocky Aur Rani Ki Prem Kahani) या चित्रपटासाठी सर्वोत्कृष्ट अभिनेत्रीचा पुरस्कार देण्यात आला, तर रणबीर कपूरला 'अॅनिमल' या चित्रपटासाठी सर्वोत्कृष्ट अभिनेत्याचा पुरस्कार मिळाला. पुरस्कार सोहळ्यात 'जमाल कुडू' या गाण्यावर आलिया भट्ट आणि रणबीर कपूरने डान्स केला.
अॅनिमल या चित्रपटातील रणबीर कपूर आणि तृप्ती डिमरी यांच्या इंटिमेट सीन्सची चर्चेचा सोशल मीडियावर होत आहे. एका मुलाखतीमध्ये तृप्तीनं अॅनिमल चित्रपटातील इंटिमेट सीन शूट करताना आलेल्या अनुभवाबद्दल सांगितलं होतं. तसेच एका मुलाखतीत तृप्तीनं चित्रपटामधील तिचा आणि रणबीरचा इंटिमेट सीन पाहिल्यानंतर तिच्या आई-वडिलांनी कशी रिअॅक्शन दिली? याबद्दल सांगितलं. ती म्हणाली, 'माझ्या पालकांना थोडे आश्चर्य वाटले. इंटिमेट सीन पाहिल्यानंतर ते म्हणाले, आम्ही चित्रपटांमध्ये असे काही पाहिले नव्हते आणि ते तू केले आहे. सीन पाहिल्यानंतर त्यांना नॉर्मल व्हायला थोडा वेळ लागला."
'ॲनिमल' या चित्रपटामध्ये रणबीर कपूरनं रणविजय ही भूमिका साकारली तर तृप्ती डिमरीनं जोया उर्फ भाभी-2 ही भूमिका साकारली. या चित्रपटात बॉबी देओल, अनिल कपूर, रश्मिका मंदान्ना यांच्यासह अनेक कलाकारांनी महत्त्वपूर्ण भूमिका साकारल्या होत्या.
वाचा इतर महत्वाच्या बातम्या:
Tripti Dimri: 'अॅनिमल'मधील 'तो' इंटिमेट सीन पाहून तृप्तीचे आई-वडील म्हणाले तरी काय?
महत्त्वाच्या बातम्या
ट्रेंडिंग न्यूज
