Ram Charan Acharya Teaser : 'आचार्य' सिनेमाचा टीझर प्रदर्शित, 24 तासांत मिळाले 'इतके' व्ह्यूज

Ram Charan Acharya Teaser : 'आचार्य' सिनेमाचा टीझर युट्यूबवर प्रदर्शित करण्यात आला आहे. या टीझरला 24 तासांत 68 लाख व्ह्यूज मिळाले आहेत.

Written By : एबीपी माझा वेबटीम | Edited By: मंजिरी पोखरकर | Updated at : 30 Nov 2021 04:15 PM (IST)

आचार्य

Ram Charan Acharya Teaser : कोरताला शिवाने दिग्दर्शित केलेल्या 'आचार्य' सिनेमाचा टीझर युट्यूबवर प्रदर्शित करण्यात आला आहे. या टीझरला 24 तासांत 68 लाख व्ह्यूज मिळाले आहेत. सिनेमात चिंरंजीवी आणि राम चरण मुख्य भूमिकेत दिसणार आहेत. राम चरण सिनेमात 'सिद्ध'ची भूमिका साकारणार आहे. 'सिद्ध की गाथा' नावाचा टीझर नुकताच प्रदर्शित करण्यात आला आहे. टीझरमध्ये राम चरणच्या पात्राची झलक पाहायला मिळणार आहे.

सिनेमाचा टीझर प्रेक्षकांच्या पसंतीस पडतो आहे. 'आचार्य' सिनेमात चिरंजीवी आणि राम चरण पहिल्यांदाच मुख्य भूमिकेत दिसणार आहे. मॅटिनी एंटरटेनमेंट्स आणि कोनिडेला प्रॉडक्शनच्या निरंजन रेड्डी यांनी सिनेमाची निर्मिती केली आहे. सिनेमात राम चरण आणि चिरंजीवीसह काजल अग्रवाल आणि पूजा हेडगे मुख्य भूमिकेत असणार आहेत. आचार्य' 4 फेब्रुवारीला चित्रपटगृहात प्रदर्शित होणार आहे.

View this post on Instagram

A post shared by Ram Charan (@alwaysramcharan)

राम चरणने सिनेमाचे टीझर शेअर करत लिहिले आहे, सिद्ध सागाचा टीझर आता प्रेक्षकांच्या भेटीला आलेला आहे. टीझरमध्ये राम चरण एकीकडे रोमान्स करताना दिसत आहे. तर दुसरीकडे तो जंगलात भांडताना दिसतो आहे. टीझरमध्ये नदीच्या एका बाजूला वाघ दिसतो आहे. तर दुसऱ्या बाजूला राम चरण आणि चिरंजीवी दिसत आहेत.

सिनेमाची प्रेक्षकांमध्ये उत्सुकता दिसून येत आहे. राम चरणच्या या नव्या लूकचा व्हिडीओ सोशल मीडियावर चांगलाच व्हायरल होत आहे. या व्हिडीओमध्ये तो अॅक्शन करतानादेखील दिसतो आहे.

संबंधित बातम्या