एक्स्प्लोर

Rakkayie Teaser : 'लेडी सुपरस्टार' नयनताराच्या आगामी चित्रपटाची झलक! पुष्पा अन् केजीएफला टक्कर देणारा 'रक्कायी' चित्रपटाचा ॲक्शन पॅक टीझर समोर

Rakkayie Teaser : अभिनेत्री नयनताराचा एकीकड धनुषसोबत वाद सुरु असताना तिच्या आगामी 'रक्कायी' चित्रपटाचा धमाकेदार टीझर समोर आला आहे.

Written By : जयदीप मेढे | Updated at : 19 Nov 2024 10:12 AM (IST)

Rakkayie Teaser

Source : ABP Majha

Rakkayie Nayanthara Movie Teaser : 'लेडी सुपरस्टार' नयनताराच्या आगामी 'रक्कायी' चित्रपटाचा ॲक्शन पॅक टीझर प्रदर्शित झाला आहे. या टीझरमध्ये नयनतारा दमदार ॲक्शन करताना दिसत आहे. लेडी सुपरस्टार' अभिनेत्री नयनतारा आता फक्त साऊथ इंडस्ट्रीतील नाव राहिलेलं नाही, तर तिने बॉलिवूडमध्येही नाव कमावलं आहे. आता तिच्या आगामी चित्रपटाचा टीझर रिलीज झाला असून चाहते तिच्या मोठ्या पडद्यावरील कमबॅकची आतुरतेने वाट पाहत आहे. आगामी रक्कायी चित्रपटातील नयनताराच्या अभिनय कौशल्याची झलक टीझरमध्ये स्पष्ट दिसत आहे. 'रक्कायी'च्या टीझरमध्ये नयनताराचा रुद्र अवतार पाहायला मिळत आहे. 'रक्कायी' चित्रपटाचा टीझर पाहून चाहते त्याची तुलना पुष्पा आणि केजीएफ चित्रपटाशी करत आहेत.

'रक्कायी' मध्ये नयनताराचा रुद्रावतार!

अभिनेत्री नयनताराच्या वास्तववादी अभिनयाचे अनेक चाहते आहेत. नयनताराने अलिकडेच तिच्या वाढदिवसाच्या दिवशी चाहत्यांना खास भेट देत तिच्या आगामी 'रक्कायी' चित्रपटाचा टीझर रिलीज केला आहे. या टीझरला प्रेक्षकांची पसंती मिळत असून त्यांनी नयनतारावर कौतुकाचा वर्षाव केला आहे. रक्कायी चित्रपटाच्या टीझरमध्ये एकीकडे नयनताराचं प्रेमळ आईचं रुप आणि दुसरीकडे 'दुर्गा' मातेप्रमाणे रौद्र रुप पाहायला मिळत आहे. चित्रपटाचा टीझर पाहून प्रेक्षकांची उत्कंठा शिगेला पोहोचली आहे.

'लेडी सुपरस्टार' नयनताराच्या आगामी चित्रपटाची झलक!

'रक्कायी' चित्रपटाच्या टीझरमध्ये नयनतारा एकटी 50 ते 100 लोकांसोबत लढताना दिसत आहे. तिचं हे रुप पाहून चाहते आश्चर्यचकित झाले आहेत. रक्काई चित्रपटाच्या टीझरची सुरुवात एका मुलाच्या रडण्याने होते. 'रक्कायी' टीझरची सुरुवात एका अंधाऱ्या रात्रीने होते. एक मूल रडत आहे. नयनतारा मिरचीची पूड करते, त्यानंतर मुलाला दूध पाजून शांत करते. मूल शांत झाल्यानंतर ती तिला मारायला येणाऱ्या 50-100 लोकांशी लढते आणि एक-एक करून सर्वांना धोबीपछाड देते.
नवजात बाळाच्या रडण्याचा आवाज येतो आणि वीज चमकते. कॅमेरा एका झोपडीजवळ लावला आहे आणि मुलाची झलक दिसते. मग पार्श्वभूमीत तीव्र संगीत वाजते. एक स्त्री मोर्टारमध्ये लाल मिरची ठेचत आहे. बाहेर अनेक गुंड शस्त्रे घेऊन उभे आहेत.

चित्रपटाचा ॲक्शन पॅक टीझर समोर

आज नयनताराचा वाढदिवस आहे. ती 40 वर्षांची झाली आहे. तिच्या वाढदिवशी तिची माहितीपट मालिका 'नयनतारा: 'बियॉन्ड द फेयरीटेल' रिलीज झाली आहे. मात्र धनुषने यावर आक्षेप घेत कॉपीराइटचे उल्लंघन केल्याचा दावा केला आहे. यासोबतच 10 कोटी रुपयांची मागणी करण्यात आली होती. नयनतारा आणि धनुष यांच्यात सुरू असलेल्या वादाच्या पार्श्वभूमीवर लेडी सुपरस्टारच्या नव्या चित्रपटाचा टीझर रिलीज झाला आहे. त्याची दमदार शैली या टीझरमध्ये पाहायला मिळते. ती निर्भय दिसत आहे. त्याच्या हातात खंजीर आणि चाकू आहे. गुंडांशी लढत. 'रक्कायी' असे या चित्रपटाचे नाव आहे.