Jailer : थलैवा 'रजनीकांत'च्या 'जेलर' सिनेमाचे पोस्टर आऊट; लवकरच शूटिंगला करणार सुरुवात

Rajinikanth : दाक्षिणात्य सुपरस्टार 'रजनीकांत'च्या आगामी सिनेमाचे पोस्टर रिलीज झाले आहे. लवकरच या सिनेमाच्या शूटिंगला सुरुवात होणार आहे.

Rajinikanth

Jailer : दाक्षिणात्य सुपरस्टार रजनीकांतने (Rajinikanth) त्याच्या आगामी सिनेमाची घोषणा केली आहे. 'जेलर' (Jailer) असे या सिनेमाचे नाव आहे. हा तामिळ भाषेतील सिनेमा असून नेलसन दिलीप कुमार या सिनेमाच्या दिग्दर्शनाची धुरा सांभाळत आहेत. शुक्रवारी निर्मात्यांनी या सिनेमाचे पोस्टर रिलीज केलं आहे. त्यामुळे रजनीकांतचे चाहते आनंदी झाले आहेत. 

'जेलर'चे पोस्टर रिलीज

'जेलर'च्या पोस्टरमध्ये एक रक्ताने भरलेला चाकू दिसत आहे. तसेच बॅकग्राउंडला एक कारखाना दिसत आहे. तामिळ आणि हिंदीमध्ये या सिनेमाचे पोस्टर रिलीज करण्यात आले आहे. या सिनेमात दाक्षिणात्य अभिनेता शिवराजकुमारदेखील मुख्य भूमिकेत दिसणार आहे. लवकरच या सिनेमाच्या शूटिंगला सुरुवात होणार आहे. 

सन पिक्चर्सच्या बॅनरखाली या सिनेमाची निर्मिती करण्यात आली आहे. रजनीकांत Annaathee या सिनेमात शेवटचा रुपेरी पडद्यावर झळकला होता. या सिनेमाची निर्मतीदेखील सन पिक्चर्सने केली होती. या सिनेमात प्रेक्षकांना अॅक्शनचा तडका पाहायला मिळणार आहे. 'जेलर' हा रजनीकांतचा 169 वा सिनेमा आहे. त्यामुळे या सिनेमासाठी प्रेक्षक उत्सुक आहेत. 

#Thalaivar169 is #Jailer@rajinikanth @Nelsondilpkumar @anirudhofficial pic.twitter.com/tEtqJrvE1c

— Sun Pictures (@sunpictures) June 17, 2022

नेलसन दिपीप कुमार यांनी 'जेलर' या सिनेमाचे लेखन केलं आहे. या सिनेमात शिवा राजकुमार नकारात्मक भूमिकेत दिसणार आहे, असे म्हटले जात आहे. जुलैमध्ये या सिनेमाच्या शूटिंगला सुरुवात होणार आहे. चैन्नईमध्ये या सिनेमाचे शूटिंग होणार आहे. सध्या नेलसन दिपीप कुमार या सिनेमाच्या कथानकावर काम करत आहेत. सिनेमाचे पोस्टर रिलीज झाल्यामुळे प्रेक्षक आता 'जेलर' सिनेमाची आतुरतेने वाट पाहत आहेत. 

संबंधित बातम्या