(Source: Dainik Bhaskar)
'सुपर डांसर 4' मध्ये शिल्पा शेट्टीची रीएन्ट्री; निर्मात्यासमोर ठेवली 'ही' अट
बॉलीवूड अभिनेत्री शिल्पा शेट्टी (Shilpa Shetty) तब्बल तीन आठवड्यानंतर डान्स रिअॅलिटी शो 'सुपर डान्सर 4' च्या सेटवर परतली. शो मध्ये पुनरागमन करण्यासाठी निर्मात्यांसमोर तिने एक अट ठेवली होती.
मुंबई : राज कुंद्राच्या अटकेनंतर अभिनेत्री शिल्पा शेट्टी पुन्हा एकदा स्वत:ला आणि स्वत:च्या करियरला सावरण्याचा प्रयत्न करतेय. या प्रकरणानंतर जवळपास एक महिन्यानंतर शिल्पा शेट्टी पुन्हा एकदा डान्स रिअॅलिटी शो 'सुपर डान्सर 4' च्या सेटवर परत आली. मात्र शिल्पाने शोमध्ये परतण्यासाठी 'सुपर डान्सर' च्या निर्मात्यांसमोर काही अटी ठेवल्याचं समोर आलं आहे.
शिल्पा शेट्टी 'सुपर डान्सर 4 ' च्या सेटवर पोहोचली त्या वेळेस या शोचे परिक्षक गीता कपूर आणि अनुराग बासू यांनी तिचे जोरदार स्वागत केले. शिवाय 'सुपर डान्सर' शो च्या प्रेक्षकांनी देखील तिचे कौतुक केले. शो मधील स्पर्धकांनी, परीक्षकांनी आणि प्रेक्षक वर्गाने दाखवलेला हा उत्साह पाहताच शिल्पा शेट्टीच्या डोळ्यात अश्रू आले, ती भावूक झाली. त्यावेळेस शो च्या इतर क्रू मेंबर्स व सोबतच्या परीक्षकांनी तिला सांभाळून घेतले. शिल्पाचे हे पुनरागमन पाहून तिचे चाहते खूप खुश झाले आहे.
राज कुंद्रा प्रकरणात शिल्पा शेट्टीला मोठी मनस्ताप सहन करावा लागला होता. त्यामुळे तिला पुन्हा टेलिव्हिजन स्क्रीनवर परतणं अवघड झालं होतं. पण म्हणतात ना, 'शो मस्ट गॉन', अशाप्रकारची हिंमत हवी असेल तर त्यासाठी कोणतेही नियम आपल्याला बनवून चालणार नाही. शिल्पाचे देखील असेच काहीसे मत होते. त्यामुळे या शोच्या सेट वर परत येण्यासाठी शिल्पा होकार कळवला .पण या शोमध्ये परतण्यासाठी शिल्पाने या शोच्या टीमशी संपर्क साधला आणि करण्यासाठी काही अटी समोर ठेवल्या. आपण या शोमध्ये कोणत्याही वादग्रस्त प्रश्नाला उत्तर देणार नाही, याशिवाय आपल्या वैयक्तिक आयुष्याबद्दलची कोणत्याच प्रकारची चर्चा किंवा विनोद सेट वर होऊ नये अशा प्रकारची अट शिल्पाने निर्मात्यांसमोर ठेवली असल्याचं समोर आलं आहे.
'सुपर डान्सर' च्या निर्मात्यांना शिल्पाला शो मधून बाहेर जाऊ द्यायचे नव्हते. गेल्या तीन आठवड्यांपासून ती शो मध्ये आली नाही हा तिचा स्वतःचा निर्णय होता. या काळात बऱ्याच गोष्टींना तिला सामोरे लागले होते.
संबंधित बातम्या :
- अमिताभ बच्चन यांचे सुरक्षारक्षक हेड कॉन्स्टेबल जितेंद्र शिंदेंची बदली, कोटींच्या घरात कमाईची चर्चा, चौकशी होणार
- अमिताभ बच्चन यांच्या मराठमोळ्या बॉडीगार्डचा पगार ऐकून थक्क व्हाल! एखाद्या कंपनीच्या सीईओपेक्षाही जास्त वेतन
- Tadap Release Date: प्रतिक्षा संपली! अहान शेट्टीच्या Tadap 3 चित्रपटाची प्रदर्शनाची तारीख जाहीर