Pathaan Box Office Collection Day 12 : थांबायचं नाय गड्या... पठाणची जादू कायम; 12 व्या दिवशी केली कोट्यवधींची कमाई
पठाण (Pathaan) हा चित्रपट रिलीज होऊन 12 दिवस झाले आहे. या चित्रपटानं रविवारी (5 फेब्रुवारी) देखील बॉक्स ऑफिसवर धुमाकूळ घातला.
Pathaan Box Office Collection Day 12 : अभिनेता शाहरुख खानच्या (Shah Rukh Khan) पठाण (Pathaan) या चित्रपटाची प्रेक्षक उत्सुकतेने वाट बघत होते. रिलीज आधीच या चित्रपटानं अॅडव्हान्स बुकिंगमधून कोट्यवधींची कमाई केली होती. हा चित्रपट रिलीज होऊन 12 दिवस झाले आहे. या चित्रपटानं रविवारी (5 फेब्रुवारी) देखील बॉक्स ऑफिसवर धुमाकूळ घातला. जाणून घेऊयात या चित्रपटाचं 12 व्या दिवसाचं कलेक्शन...
रमेश बाला यांनी ट्वीट शेअर करुन पठाणच्या कलेक्शनची माहिती दिली आहे. त्यांच्या ट्वीटनुसार, पठाण या चित्रपटानं भारतात रविवारी (5 फेब्रुवारी) बॉक्स ऑफिसवर 28 कोटींची कमाई केली. तर जगभरात या चित्रपटानं जवळपास 850 कोटींची कमाई केली आहे. केवळ 12 दिवसात पठाणनं 850 कोटींची कमाई केल्यानं आता शाहरुखचे चाहते त्याचं कौतुक करत आहेत.
#Pathaan early estimates for 2nd Sunday is a whopping ₹ 28 Crs..
— Ramesh Bala (@rameshlaus) February 6, 2023
All-India Nett..
#Pathaan WW Gross nears ₹ 850 Crs..
— Ramesh Bala (@rameshlaus) February 6, 2023
'या' चित्रपटांना पठाणनं टाकलं मागे
पठाण चित्रपटानं भारतात जवळपास 415 कोटींची कमाई केली आहे. त्यामुळे आता या चित्रपटानं काही सुपरहिट चित्रपटांच्या कलेक्शनचे रेकॉर्ड्स तोडले आहेत. दंगल (Dangal), संजू (Sanju), पीके (Pk), टायगर जिंदा है (Tiger Zinda Hai) या चित्रपटांचे बॉक्स ऑफिस कलेक्शनचे रेकॉर्ड मोडले आहे. यामधील पिके या चित्रपटानं 387.38 कोटींची कमाई केली होती. तर संजू या चित्रपटानं 342.86 कोटींची कमाई केली होती.
पठाण चित्रपटातील स्टार कास्ट
पठाण चित्रपटात शाहरुख खान, दीपिका पादुकोण, जॉन अब्राहम, आशुतोष राणा आणि डिंपल कपाडिया या कलाकरांनी मुख्य भूमिका साकारली आहे. तसेच या चित्रपटात अभिनेता सलमान खाननं देखील कॅमिओ केला आहे. शाहरुखनं पठाण चित्रपटात एका रॉ एजंटची भूमिका साकारली आहे. आठ देशांमध्ये 'पठाण' सिनेमाचं शूटिंग झालं आहे. यात स्पेन, यूएई, भारत, तुर्की, फ्रान्स या प्रमुख देशांचा समावेश आहे.
पठाणमधील गाण्यांना प्रेक्षकांची पसंती
पठाण या चित्रपटामधील झुमे जो पठाण आणि बेशरम रंग या गाण्यांना प्रेक्षकांची पसंती मिळाली. या गाण्यावरील डान्सचे रिल्स सध्या अनेक नेटकरी सोशल मीडियावर शेअर करत आहेत. या चित्रपटामधील दीपिका आणि शाहरुखच्या केमिस्ट्रीला देखील प्रेक्षकांची पसंती मिळत आहे.
वाचा इतर महत्वाच्या बातम्या:
महत्त्वाच्या बातम्या
