Parineeti Chopra Raghav Chadha : राघव चड्ढापेक्षा परिणीती चोप्रा शंभरपटीने श्रीमंत; जाणून घ्या संपत्तीबद्दल...

Parineeti Chopra Raghav Chadha : परिणीती चोप्रा आणि राघव चड्ढा लवकरच लग्नबंधनात अडकणार आहेत.

Parineeti Chopra Raghav Chadha

Parineeti Chopra Raghav Chadha Net Worth : बॉलिवूड अभिनेत्री परिणीती चोप्रा (Parineeti Chopra) आणि आपचे खासदार राघव चड्ढा (Raghav Chadha) लवकरच लग्नबंधनात अडकणार आहेत. त्यांच्या लग्नसोहळ्या संदर्भातील प्रत्येक अपडेट जाणून घेण्यासाठी चाहते उत्सुक आहेत. आता या दोघांची नेटवर्थ किती आहे हे जाणून घेण्याची प्रेक्षकांना उत्सुकता आहे. 

परिणीती-राघवची संपत्ती किती जाणून घ्या...

मीडिया रिपोर्टनुसार, परिणीती चोप्राची एकूण संपत्ती 60 कोटींच्या आसपास आहे. बॉलिवूडमध्ये सर्वाधिक कमाई करणाऱ्या अभिनेत्रींमध्ये परिणीतीची गणना होते. सिनेमे आणि जाहीरातींच्या माध्यमातून परिणीती चांगलीच कमाई करते. तर myneta.info नुसार, राघव चड्ढा हे कर्जमुक्त आहेत. त्यांच्याकडे 37 लाख रुपयांचं घर आहे. राघव चड्ढा यांची एकूण संपत्ती  50 कोटींच्या आसपास आहे. त्यामुळे राघव चड्ढापेक्षा परिणीती चोप्रा श्रीमंत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by @parineetichopra

परिणीती चोप्रा आणि राघव चड्ढा (Parineeti Chopra Raghav Chadha) यांचा साखरपुडा 13 मे 2023 रोजी झाला आहे. दिल्लीतील कपूरथला हाऊसमध्ये त्यांचा साखरपुडा पार पडला आहे. कुटुंबीय आणि जवळच्या मित्र-मंडळींच्या उपस्थितीत त्यांचा साखरपुडा पार पडला आहे. या साखरपुड्याला दिल्लीचे मुख्यमंत्री अरविंद केजरीवाल, पंजाबचे मुख्यमंत्री भगवंत मान यांनी हजेरी लावली. तसेच बॉलिवूडसह हॉलिवूड गाजवणारी प्रियंका चोप्रादेखील या साखरपुड्याला उपस्थित होती. 

परिणीती-राघवचा शाही थाट

उदयपूर येथील एका महालात शाही थाटात परिणीती आणि राघव यांचा लग्नसोहळा पार पडणार आहे. या लग्नसोहळ्याला परिणीतीची बहीण प्रियंका चोप्रा आणि निक जोनसदेखील हजेरी लावणार आहेत. तसेच दिल्लीचे मुख्यमंत्री अरविंद केजरीवाल यांच्यासह आम आदमी पक्षातील अनेक नेते या लग्नसोहळ्याला उपस्थित असणार आहेत. तर चंडीगढ येथील ताज हॉटेलमध्ये त्यांचं रिसेप्शन असणार आहेत. 

परिणीती चोप्रा आणि राघव चड्ढा गेल्या काही दिवसांपासून एकमेकांना डेट करत होते. लंडन स्कूल ऑफ इकोनॉमिक्समध्ये दोघांनी शिक्षण घेतलं आहे. पण त्यांची लव्हस्टोरी मात्र एका सिनेमाच्या सेटवर सुरू झाली आहे. 'चमकीला' या सिनेमाच्या शूटिंगदरम्यान परिणीती आणि राघव यांची भेट झाली आणि पुढे त्यांच्या नात्याचं रुपांतर प्रेमात झालं. 

संबंधित बातम्या