Orry And Palak Tiwari: अभिनेत्रीला कायम चिकटून असणाऱ्या 'ओरी'ची पलकनं का मागितली माफी? व्हॉट्सअॅप चॅट झाले व्हायरल, साराच्या नावाचाही उल्लेख

Orry And Palak Tiwari WhatsApp Chat: अभिनेत्री पलक तिवारी (Palak Tiwari) आणि ओरीचे व्हॉट्सअॅप चॅट सोशल मीडियावर व्हायरल झाले आहेत. दोघांच्या या व्हॉट्सअॅप चॅटनं अनेकांचे लक्ष वेधले आहे.

Orry And Palak Tiwari

Orry And Palak Tiwari WhatsApp Chat: गेल्या काही दिवसांपासून ओरी (Orry) म्हणजेच  ओरहान अवत्रामणी (Orhan Awatramani)  हा सोशल मीडियावर चर्चेत आहे. अशी  कोणतीही सेलिब्रिटींची पार्टी नाही, ज्यामध्ये ओरी गेला नाही. ओरी प्रत्येक पार्टीचे फोटो सोशल मीडियावर शेअर करतो. त्या फोटोमध्ये त्याच्यासोबत वेगवेगळे सेलिब्रिटी देखील असतात. अशातच आता हा सध्या ओरी पार्टीमुळे नाही तर वेगळ्याच कारणामुळे चर्चेत आहे. अभिनेत्री पलक तिवारी (Palak Tiwari) आणि ओरीचे व्हॉट्सअॅप चॅट सोशल मीडियावर व्हायरल झाले आहेत. दोघांच्या या व्हॉट्सअॅप चॅटनं अनेकांचे लक्ष वेधले आहे.

पलक तिवारीनं का मागितली ओरीची माफी? (Orry And Palak Tiwari WhatsApp Chat)

ओरी आणि पलक तिवारी  यांच्या सोशल मीडियावर व्हायरल झालेल्या व्हॉट्सअॅप चॅटमध्ये पलक ही ओरीची माफी मागताना दिसत आहे. पलकनं ओरीला मेसेज केला, "ओरी, मी पलक बोलत आहे. मी तुझी माफी मागावी, असं तुला वाटत आहे का?" यावर ओरीनं इमोजी शेअर करुन रिप्लाय दिला. ओरीच्या मेसेजनंतर पलकनं रिप्लाय दिला, "मी साराच्या सन्मानार्थ बोलत आहे." यावर ओरीनं रिप्लाय दिला, 'एकतर तू स्वाभिमानाने माफी मागत आहेस कारण तुला कसं बोलावं कळत नाही' आता पलकनं ओरीची माफी का मागितली? हा प्रश्न नेटकऱ्यांना पडला आहे.

व्हॉट्सअॅप चॅटमध्ये साराच्या नावाचा उल्लेख

ओरी आणि पलक तिवारी  यांच्या सोशल मीडियावर व्हायरल झालेल्या व्हॉट्सअॅप चॅटमध्ये साराच्या नावाचा देखील उल्लेख आहे. ही सारा अली खान आहे, असा अंदाज नेटकरी लावत आहे. सारा अली खानचा भाऊ इब्राहिम अली खानला पलक डेट करत आहे, अशी चर्चा गेल्या काही दिवसांपासून सोशल मीडियावर होत आहे. पलक आणि इब्राहिम या दोघांना अनेक वेळा एकत्र स्पॉट देखील करण्यात आलं आहे.

द वर्जीन ट्री या चित्रपटामधून पलक प्रेक्षकांच्या भेटीला येणार आहे. या चित्रपटात मौनी रॉय आणि संजय दत्त हे देखील महत्वाची भूमिका साकारणार आहेत. तिचा किसी का भाई किसी की जान हा चित्रपट गेल्या वर्षी रिलीज झाला. तसेच इब्राहिम हा सरजमीन या चित्रपटामधून बॉलिवूडमध्ये पदार्पण करणार आहे, असंही म्हटलं जात आहे.

इतर महत्वाच्या बातम्या: