Atif Aslam: पाकिस्तानी गायक आतिफ अस्लम सात वर्षांनंतर बॉलिवूडमध्ये करणार कमबॅक; 'या' चित्रपटामधील गाणं गाणार
Atif Aslam: पाकिस्तानी गायक आतिफ अस्लम (Atif Aslam) लवकरच बॉलिवूडमध्ये पुनरागमन करणार आहे. आतिफ अस्लम 7-8 वर्षांनंतर बॉलिवूडमध्ये कमबॅक करत आहे.
Atif Aslam: पाकिस्तानी (Pakistan) चित्रपट किंवा मालिकांना भारतातील प्रेक्षकांची पसंती मिळते.तसेच पाकिस्तानी गायकांची गाणी देखील भारतातील लोक आवडीनं ऐकतात. पण काही लोक पाकिस्तानी कलाकारांचा विरोध करतात. महाराष्ट्र नवनिर्माण सेनेच्या नेत्यांनी पाकिस्तानी चित्रपट भारतात प्रदर्शित करण्यावर विरोध दर्शवला होता. अशातच आता पाकिस्तानी गायक आतिफ अस्लम (Atif Aslam) लवकरच बॉलिवूडमध्ये पुनरागमन करणार आहे. आतिफ अस्लम 7-8 वर्षांनंतर बॉलिवूडमध्ये कमबॅक करत आहे.
आतिफ अस्लम बॉलिवूडमध्ये करणार कमबॅक
Boxofficeworldwide.com च्या रिपोर्टनुसार, आतिफ अस्लम हा बॉलिवूडमध्ये कमबॅक करत आहे. संगिनी ब्रदर्स हरेश आणि धर्मेश यांच्याशी तो चित्रपटाबाबत चर्चा करत आहे. संगिनी ब्रदर्स मोशन पिक्चर्सच्या बॅनरखाली हा चित्रपट बनणार आहे. या चित्रपटाचे नाव स्टोरी ऑफ 90's असं आहे. अध्यायन सुमन आणि मिस युनिव्हर्स दिवा दिविता राय या चित्रपटात दिसणार आहेत, असं म्हटलं जात आहे.
संगिनी ब्रदर्सनं दिली माहिती
रिपोर्टनुसार, संगिनी ब्रदर्स यांनी पुष्टी केली आहे की, ते पाकिस्तानी गायक आतिफ अस्लमसोबत कोलॅब करत आहेत. आतिफचे 7 वर्षांनंतर झालेले पुनरागमन जबरदस्त असणार आहे. आतिफ अस्लमने LSO90 चित्रपटातील पहिले गाणे गायल्यामुळे संगिनी ब्रदर्सला खूप आनंद झाला आहे.
LSO90 चित्रपटाच्या निर्मत्यांनी सांगितलं, "आतिफ अस्लमला त्यांच्या बॉलिवूड चित्रपटासाठी कास्ट करणे आव्हानात्मक होते. आतिफचे लक्ष चित्रपटाच्या कथेवर होते. त्याला चित्रपटाविषयीची सर्व माहिती सांगायची होती. आतिफला चित्रपटाची कथा खूप आवडली आणि त्याने चित्रपटात गाण्यासाठी होकार दिला."
'हे' गायक देखील गाणार गाणी
आतिफ व्यतिरिक्त उदित नारायण आणि अमित मिश्रा हे गायक देखील LSO90 या चित्रपटातील गाणी गाणार आहेत. या चित्रपटाचे संगीत अतिशय प्रेक्षणीय असणार आहे.
View this post on Instagram
आतिफ अस्लमची गाणी
तू जाने ना, तेरा होने लगा हूं, तेरे संग यारा, दिल दियां गल्लां, तेरे बिन, वो लम्हे वो बातें, पिया ओ रे पिया या आतिफ अस्लमच्या बॉलिवूड चित्रपटांमधील गाण्यांना प्रेक्षकांची विशेष पसंती मिळाली. विविध ठिकाणी आतिफ अस्लमच्या लाईव्ह कॉन्सर्टचे आयोजन देखील केले जाते.
वाचा इतर महत्वाच्या बातम्या:
महत्त्वाच्या बातम्या
