Bollywood Actress : झाडू मारण्यापासून पैशासाठी शौचालये साफ केली, इतकं मोठं नाव की अरिजित सिंहला माफी मागावी लागली; कोण आहे 'ही' अभिनेत्री?

Actress Struggle Days : बॉलिवूडची एक अभिनेत्री आज कोट्यवधी चाहत्यांच्या हृदयावर राज्य करते. अभिनेत्रीचा मोठा चाहतावर्ग आहे. प्रचंड मेहनतीनंतर अभिनेत्री यशस्वी झालेली आहे.

Actress Struggle Days

Mahira Khan Struggle Days : माहिरा खान (Mahira Khan) पाकिस्तानची लोकप्रिय अभिनेत्री आहे. भारतासह पाकिस्तानमध्ये तिचा मोठा चाहतावर्ग आहे. सध्या ती चांगलीच चर्चेत आहे. नुकत्याच एका कॉन्सर्टमध्ये अरिजीत सिंहने (Arijit Singh) तिची माफी मागितली आहे. कॉन्सर्टमध्ये अरिजीत सिंहला अभिनेत्री माहिरा खानला (Mahira Khan) ओळखता आलं नाही. त्यामुळे त्याने अभिनेत्रीची जाहीर माफी मागितली. माहिरा खान इंडस्ट्रीमधलं मोठं नाव आहे. 'रईस' या बॉलिवूड चित्रपटातही ती महत्त्वाच्या भूमिकेत झळकली आहे. माहिरा खानचा प्रवास नक्कीच सोपा नव्हता. पैसा कमावण्यासाठी तिने झाडू मारण्यापासून ते शौचालये साफ करण्यापर्यंत अनेक कामे केली आहेत. 

माहिरा खान एका मुलाखतीत म्हणाली होती,"आयुष्यात मी अनेक अडचणींचा सामना केला आहे. झाडू मारणं, साफसफाई करणं, अशी अनेक कामे मी केली आहेत. करिअरच्या सुरुवातीला पैसे मिळवण्यासाठी मी शौचालयेदेखील साफ केली आहेत. हा प्रवास नक्कीच सोपा नव्हता. पैसे नसल्यामुळे हॉटेलमध्ये गेल्यावरदेखील जास्त जेवण करत नसे".

माहिराचा सिनेप्रवास (Mahira Khan Movies)

माहिरा खानने लॉस एंजलिस येथील एका दुकानातदेखील काम केलं आहे. पुढे व्हिडीओ जॉकी म्हणून ती काम करू लागली. माहिराने 2011 मध्ये 'बोल' या चित्रपटाच्या माध्यमातून आपल्या करिअरची सुरुवात केली. पुढे बिन रोए, मंटो, हो मन जहां, एक्टर इन लॉ, रईस, वर्ना, 7 दिन मोहबब्त इन, सुपरस्टार सारख्या चित्रपटांत माहिरा खानने काम केलं आहे.

नैराश्याचा सामना करायची माहिरा खान

माहिरा खानने 2017 मध्ये 'रईस' या चित्रपटाच्या माध्यमातून बॉलिवूडमध्ये पदार्पण केलं. या चित्रपटात माहिरा शाहरुख खानसोबत स्क्रीन शेअर करताना दिसून आली. बॉक्स ऑफिसवर हा चित्रपट आपटला. अभिनेत्रीला ट्रोलिंगचा सामना करावा लागला. पुढे अभिनेत्रीला नैराश्याचा सामना करावा लागला. माहिरा खानसाठी ते दिवस खूपच कठीण होते. अभिनेत्रीने पुढे मानसिक आरोग्यावर लक्ष द्यायला सुरू केलं. 

कोण आहे माहिरा खान? (Who is Mahira Khan)

माहिरा खान पाकिस्तानातील एक लोकप्रिय सिने-अभिनेत्री आहे. पाकिस्तानातील सर्वात लोकप्रिय आणि सर्वाधिक मानधन घेणाऱ्या अभिनेत्रींमध्ये माहिराचा समावेश होतो. आजवर पाकिस्तानातील अनेक सुपरहिट चित्रपटांत तिने काम केलं आहे. अभिनेत्रीच्या आगामी चित्रपटांची चाहत्यांना उत्सुकता आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mahira Khan (@mahirahkhan)

संबंधित बातम्या