OTT Release This Week : 'या' आठवड्यात प्रेक्षकांना घरबसल्या मिळणार मनोरंजनाची मेजवानी; जाणून घ्या कोणते चित्रपट अन् वेबसीरिज रिलीज होणार...

OTT Release This Week : मे महिन्याच्या पहिल्या आठवड्यात ओटीटी प्लॅटफॉर्मवर अनेक चित्रपट (Movies) आणि वेबसीरिज (Web Series) रिलीज होणार आहेत. या कलाकृतींची चाहत्यांना उत्सुकता आहे.

OTT Release This Week

OTT Release This Week : ओटीटी (OTT) प्लॅटफॉर्मवर मे (May) महिन्याच्या पहिल्या आठवड्यात अनेक धमाकेदार चित्रपट (Movies) आणि वेबसीरिज रिलीज होणार आहेत. या कलाकृतींची चाहते आतुरतेने वाट पाहत आहेत. ओटीटीवर दर आठवड्यात विविध धाटणीचे, विविध विषयांवर भाष्य करणारे चित्रपट आणि वेबसीरिज रिलीज होत असतात. येत्या आठवड्यातही प्रेक्षकांना घरबसल्या मनोरंजनाची मेजवानी मिळणार आहे. नेटफ्लिक्स (Netflix), प्राईम व्हिडीओ (Prime Video), हॉटस्टार (Disney Plus Hotstar), सोनी लिव्ह (Sony Liv), झी 5 (Zee 5), जिओ सिनेमा (Jio Cinema) अशा विविध ओटीटी प्लॅटफॉर्मवर या आठवड्यात अनेक चित्रपट आणि वेबसीरिज रिलीज होत आहेत. यात हीरामंडी (Heeramandi), सिटाडेल : हनी बनी (Citadel), शैतानसह (Shaitaan) अनेक कलाकृतींचा समावेश आहे.

हीरामंडी : द डायमंड बाजार (Heeramandi : The Diamond Bazaar)
कधी रिलीज होणार? 1 मे 2024
कुठे पाहता येईल? नेटफ्लिक्स

'हीरामंडी : द डायमंड बाजार' ही बहुचर्चित वेबसीरिज 1 मे 2024 रोजी नेटफ्लिक्स या ओटीटी प्लॅटफॉर्मवर रिलीज होणार आहे. संजय लीला भन्साळीने या सिनेमाच्या दिग्दर्शनाची धुरा सांभाळली आहे. सोनाक्षी सिन्हा, मनीषा कोइराला, संजीदा शेख, अदिती राव हैदरी, रिचा चड्ढा, शेखर सुमन, फरदीन अध्यन सुमन हे कलाकार या सीरिजमध्ये मुख्य भूमिकेत आहेत. 

द ब्रोकन न्यूज सीझन 2 (The Broken News Season 2)
कधी रिलीज होणार? 3 मे 2024
कुठे पाहता येईल? झी 5

'द ब्रोकन न्यूज'चा पहिला सीझन प्रेक्षकांच्या पसंतीस उतरला होता. आता या सीरिजच्या दुसऱ्या सीझनची प्रेक्षकांना प्रतीक्षा आहे. या बहुचर्चित सीरिजमध्ये सोनाली बेंद्रे, जयदीप अहलावत आणि श्रेया पिळगांवकर मुख्य भूमिकेत आहेत. 'द ब्रोकन न्यूज 2'मध्ये अमीना कुरैशी, दीपांकर सान्याल आणि राधा भार्वग संघर्ष करताना दिसून येणार आहे. ही सीरिज प्रेक्षकांना 3 मे 2024 रोजी झी 5 या ओटीटी प्लॅटफॉर्मवर पाहता येणार आहे. 

वीमेन ऑफ माय बिलियन (Women of My Billion)
कधी रिलीज होणार? 3 मे 2024
कुठे पाहता येईल? प्राईम व्हिडीओ

'वीमेन ऑफ माय बिलियन' हा माहितीपट 3 मे 2024 रोजी प्राईम व्हिडीओ या ओटीटी प्लॅटफॉर्मवर रिलीज होणार आहे. एका महिलेची गोष्ट या माहितीपटात दाखवण्यात आली आहे. कन्याकुमारी ते कश्मीरपर्यंतचा पायी प्रवास करत ही महिला आपला प्रवास पूर्ण करते. 

मंजुम्मेल बॉईज (Manjummel Boys)
कधी रिलीज होणार? 5 मे 2024
कुठे पाहता येईल? डिज्नी प्लस हॉटस्टार

'मंजूम्मेल बॉईज' हा मल्याळम चित्रपट 2024 रोजी सिनेमागृहात प्रदर्शित झाला होता. हा चित्रपट प्रेक्षकांच्या पसंतीस उतरला. आता 5 मे 2024 रोजी हा चित्रपट डिज्नी प्लस हॉटस्टार या ओटीटी प्लॅटफॉर्मवर रिलीज होणार आहे. मल्याळमसह तेलुगू, तामिळ, कन्नड आणि हिंदी या भाषांमध्ये हा सिनेमा ओटीटीवर रिलीज होणार आहे. 

शैतान (Shaitaan)
कधी रिलीज होणार? 3 मे 2024
कुठे पाहता येईल? नेटफ्लिक्स

अजय देवगन आणि आर.माधवन यांच्या 'शैतान' या चित्रपटाला प्रेक्षकांचा सकारात्मक प्रतिसाद मिळाला होता. सिनेमागृहानंतर ओटीटीवर चित्रपट रिलीज होण्यास सज्ज आहे. एका कुटुंबाची गोष्ट या चित्रपटात दाखवण्यात आली आहे. 3 मे 2024 रोजी हा चित्रपट नेटफ्लिक्सवर रिलीज होणार आहे. 

द आयडीया ऑफ यू (The Idea of You)
कधी रिलीज होणार? 2 मे 2024
कुठे पाहता येईल? प्राईम व्हिडीओ

'द आयडीया ऑफ यू' हा रोमँटिक विनोदी चित्रपट आहे. 2 मे 2024 रोजी प्राईम व्हिडीओवर हा चित्रपट रिलीज होत आहे. 

संबंधित बातम्या