Majhi Tujhi Reshimgath : ‘माझी तुझी रेशीमगाठ’ मालिका घेणार प्रेक्षकांचा निरोप? नव्या मालिकेच्या प्रोमोमुळे चर्चेला उधाण
'माझी तुझी रेशीमगाठ' (Majhi Tujhi Reshimgath) ही मालिका लवकरच प्रेक्षकांचा निरोप घेणार आहे, अशी चर्चा सोशल मीडियावर सुरु आहे.
Majhi Tujhi Reshimgath : छोट्या पडद्यावरील प्रसिद्ध मालिका 'माझी तुझी रेशीमगाठ' (Majhi Tujhi Reshimgath) या मालिकेला प्रेक्षकांची पसंती मिळाली. या मालिकेच्या कथानकानं आणि मालिकेमधील कलाकारांच्या अभिनयानं प्रेक्षकांची मनं जिंकली. या मालिकेत बॉलिवूड आणि मराठी चित्रपटसृष्टीतील अभिनेता श्रेयस तळपदे (Shreyas Talpade) आणि अभिनेत्री प्रार्थना बेहरे (Prarthana Behere) यांनी प्रमुख भूमिका साकारली आहे. या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका मायरा वायकुळने (Mayra Vaikul) साकारली आहे. या सर्व कलाकारांनी मालिकेतील अभिनयानं प्रेक्षकांच्या मनावर आधिराज्य गाजवलं. पण आता ही मालिका लवकरच प्रेक्षकांचा निरोप घेणार आहे, अशी चर्चा सोशल मीडियावर सुरु आहे.
झी मराठीच्या एका नव्या मालिकेचा प्रोमो सध्या सोशल मीडियावर व्हायरल होत आहे. या मालिकेचं नाव 'दार उघड बये' असं आहे. दार उघड बये या मालिकेच्या प्रोमोमध्ये अभिनेते शरद पोंक्षे दिसत आहेत. तसेच या मालिकेचे कथानकही हटके असणार आहे, असा अंदाज प्रोमो पाहून लावला जाऊ शकतो. ही मालिका 19 सप्टेंबरपासून सोमवार ते शनिवार रात्री 8.30 वाजता प्रेक्षकांच्या भेटीस येणार आहे.
पाहा प्रोमो:
View this post on Instagram
छोट्या पडद्यावरील मालिकांना प्रेक्षकांची पसंती
आई कुठे काय करते, ठिपक्यांची रांगोळी, तू चाल पुढं, मन उडू उडू झालं, फुलाला सुगंध मातीचा, रंग माझा वेगळा या मालिकांना प्रेक्षकांची पसंती मिळाली. आता 'दार उघड बये' या मालिकेची प्रेक्षक उत्सुकतेने वाट बघत आहेत.
वाचा इतर महत्त्वाच्या बातम्या:
महत्त्वाच्या बातम्या
