Mirzapur 3 Online Leaked : 'मिर्झापूर'च्या निर्मात्यांना धक्का; रिलीजच्या काही तासांतच सगळेच एपिसोड ऑनलाईन लीक

Mirzapur 3 Online Leaked : बहुप्रतिक्षित वेब सीरिज मिर्झापूरचा तिसरा सीझन मध्यरात्री स्ट्रीम होण्यास सुरुवात झाली. मिर्झापूरचा दुसरा सीझन संपल्यानंतर आता पुढे काय होणार, याची उत्सुकता अनेकांना लागली होती.

Mirzapur Season 3 Online Leaked

Mirzapur 3  Online Leaked :  बहुप्रतिक्षित वेब सीरिज 'मिर्झापूर'चा तिसरा सीझन (Mirzapur Season 3) मध्यरात्री स्ट्रीम होण्यास सुरुवात झाली. मिर्झापूरचा दुसरा सीझन संपल्यानंतर आता पुढे काय होणार, याची  उत्सुकता अनेकांना लागली होती. तिसऱ्या सीझनला चांगला प्रतिसाद मिळत असताना दुसरीकडे 'मिर्झापूर'च्या निर्मात्यांना मोठा धक्का बसला आहे. प्राईम व्हिडीओवर मिर्झापूर-3 रिलीज झाल्यानंतर काही तासात ही वेब सीरिज ऑनलाईन लीक झाली आहे. 

या वेब सीरिजसाठी अनेकांना प्राईम व्हिडीओचे सब्स्क्रिप्शन  घेतले होते. तर, आता दुसरीकडे  ही संपूर्ण वेब सीरिज एचडी क्वालिटीमध्ये लीक झाली आहे. संपूर्ण वेब सीरिज लीक झाल्याने निर्मात्यांसह कलाकार, क्रू यांनाही धक्का बसला आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

निर्मात्यांना धक्का

चित्रपट आणि  वेब सीरिज लीक झाल्याने सगळ्यात जास्त नुकसान हे निर्मात्यांना सहन करावे लागते.  चित्रपट, वेब सीरिजच्या माध्यमातून होणाऱ्या कमाईवर देखील परिणाम होतो. लोक ओटीटी प्लॅटफॉर्मला पैसे देऊन सब्स्क्रिप्शन घेण्याऐवजी ऑनलाईन मोफत डाउनलोड करून पाहतात. पायरसीचा मोठा फटका निर्मात्यांना बसतो. 

'मिर्झापूर -3' ची गोष्ट काय?

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

'मिर्झापूर' या सीझनमध्ये 10 एपिसोड्स आहेत आणि प्रत्येक एपिसोड 45 मिनिटांचा आहे. मुन्ना भैय्याच्या मृत्यूनंतर त्याच्या जागी गुड्डू पंडितकडे मिर्झापूरची सूत्रे आहेत. कालीन भैय्याची पत्नी बीना त्रिपाठी त्याला साथ देत आहेत. आता कालिन भैय्या कसा सूड  उगवणार, गुड्डू पंडितवर पलटवार करणार का हे सगळं आता या तिसऱ्या सीझनमध्ये दिसून येईल. 

मिर्झापूर 3 कलाकार

मिर्झापूर 3 च्या कलाकारांबद्दल बोलायचे तर अली फजल, पंकज त्रिपाठी, श्वेता त्रिपाठी, रसिका दुग्गल, हर्षिता गौर, प्रियांशू पैन्युली, अंजुम शर्मा, शीबा चड्ढा, राजेश तैलंग आणि ईशा तलवार महत्त्वपूर्ण भूमिका साकारताना दिसले आहेत. याशिवाय 'पंचायत 3' चे सचिवजी म्हणजेच जितेंद्र कुमार ही पाहुण्या कलाकाराच्या भूमिकेत दिसणार आहे.