Metro In Dino : लाईफ इन अ मेट्रो'चा सीक्वेल येणार प्रेक्षकांच्या भेटीला; सारा अली खान आणि आदित्य रॉय कपूर मुख्य भूमिकेत

Metro In Dino : 'मेट्रो इन दिनों' हा सिनेमा लवकरच प्रेक्षकांच्या भेटीला येणार आहे.

Metro In Dino

Metro In Dino : 'मेट्रो इन दिनों' (Metro In Dino) हा सिनेमा लवकरच प्रेक्षकांच्या भेटीला येणार आहे. या सिनेमात आदित्य रॉय कपूर (Aditya Roy Kapur) आणि सारा अली खान (Sara Ali Khan) मुख्य भूमिकेत दिसणार आहेत. या सिनेमाच्या माध्यमातून आदित्य आणि साराची जोडी पहिल्यांदाच प्रेक्षकांच्या भेटीला येणार आहे. 

अनुराग बासुचा (Anurag Basu) 'लाईफ इन अ मेट्रो' हा सिनेमा 2007 साली प्रदर्शित झाला होता. हा सिनेमा प्रेक्षकांच्या पसंतीस उतरला होता. या सिनेमात कंगना रनौत, शिल्पा शेट्टी, केके मेनन आणि शर्मन जोशीसारखी तगडी स्टारकास्ट होती. हा सिनेमा प्रदर्शित झाल्यापासून प्रेक्षक या सिनेमाच्या दुसऱ्या भागाची प्रतीक्षा करत होते. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

'लाईफ इन अ मेट्रो' या सिनेमाच्या चाहत्यांसाठी एक आनंदाची बातमी आहे. या सिनेमाचा दुसरा भाग लवकरच प्रेक्षकांच्या भेटीला येणार आहे. या सिनेमाच्या दुसऱ्या भागाचे नाव 'मेट्रो इन दिनों' असे असणार आहे. अनुराग बासुने सोशल मीडियावर एक फोटो पोस्ट करत यासंदर्भात माहिती दिली आहे. 

'मेट्रो इन दिनों' या सिनेमासाठी सारा अली खान आणि आदित्य रॉय कपूर दोघेही उत्सुक आहेत. लवकरच या सिनेमाच्या शूटिंगला सुरुवात होणार आहे. अनुराग बासुच्या प्रोडक्शन हाऊस आणि टी-सीरिजच्या बॅनरखाली या सिनेमाची निर्मिती करण्यात येणार आहे. 

'मेट्रो इन दिनों' या सिनेमाचं कथानक आजच्या काळावर भाष्य करणारं आहे. अद्याप या सिनेमासंदर्भात अधिक माहिती समोर आलेली नाही. गेल्या अनेक दिवसांपासून अनुराग बासु या सिनेमावर काम करत आहेत. या सिनेमात सारा आणि आदित्यसह अनुपम खेर, नीना गुप्ता, पंकज त्रिपाठी, कोंकना सेन शर्मा, अली फजल आणि फातिमा सना शेख महत्त्वाच्या भूमिकेत आहेत. 

संबंधित बातम्या