Sunny Deol: 'तुम्ही सनी देओलसारखे दिसता'; अभिनेत्याला पाहिल्यानंतर अहमदनगरमधील शेतकऱ्याची रिअॅक्शन, व्हिडीओ व्हायरल
नुकताच सनीनं गदर-2 (Gadar 2) चित्रपटाच्या शूटिंगदरम्यानचा एक व्हिडीओ सोशल मीडियावर शेअर केला. या व्हिडीओमध्ये एक शेतकरी बैलगाडीवर बसून सनी देओलसोबत संवाद साधताना दिसत आहे.
Sunny Deol: बॉलिवूडमधील प्रसिद्ध अभिनेता सनी देओल (Sunny Deol) त्याच्या अभिनयानं नेहमीच प्रेक्षकांची मनं जिंकतो. त्याचा चाहता वर्ग मोठा आहे. त्याचा गदर हा चित्रपट लोक आजही आवडीनं बघतात. गदर हा चित्रपट रिलीज होऊन जवळपास 22 वर्ष झाली आहेत. आता 22 वर्षांनी या चित्रपटाचा दुसरा भाग प्रेक्षकांच्या भेटीस येणार आहे. नुकताच सनीनं गदर-2 (Gadar 2) चित्रपटाच्या शूटिंगदरम्यानचा एक व्हिडीओ सोशल मीडियावर शेअर केला. या व्हिडीओमध्ये एक शेतकरी बैलगाडीवर बसून सनी देओलसोबत संवाद साधताना दिसत आहे. हा व्हिडीओ सध्या सोशल मीडियावर व्हायरल होत आहे.
सनीनं शेअर केला व्हिडीओ
सनी देओलनं अहमदनगरमधील एका शेतकऱ्याचा व्हिडीओ सोशल मीडियावर शेअर केला. या व्हिडीओला त्यानं कॅप्शन दिलं, 'गदर चित्रपटाच्या अहमदनगरमधील शूटिंग दरम्यान' सनीनं व्हिडीओच्या कॅप्शनमध्ये हार्ट इमोजीचा देखील वापर केला आहे. सनीनं शेअर केलेल्या या व्हिडीओमध्ये दिसत आहे की, एक शेतकरी बैलगाडीवर बसलेला आहे. जेव्हा तो शेतकरी सनी देओलला भेटतो, तेव्हा तो सनीला म्हणतो, 'तुम्ही सेम सनी देओलसारखे दिसता' त्यानंतर सनी देओल हसतो.
सनीनं त्या शेतकऱ्यासोबतचा एक फोटो देखील सोशल मीडियावर शेअर केला आहे. सनीनं शेअर केलेला फोटो आणि व्हिडीओ सोशल मीडियावर व्हायरल झाला आहे. अनेक नेटकऱ्यांनी सनीच्या पोस्टला लाइक आणि कमेंट केलं आहे.
View this post on Instagram
गदर-2 'या' दिवशी येणार प्रेक्षकांच्या भेटीस
बॉर्डर, गदर, अर्जुन, सल्तनत, डकैत, त्रिदेव, चालबाज, विष्णू देवा, अपने, यमला पगला दिवाना यांसारख्या चित्रपटांमध्ये सनी देओलनं काम केलं आहे. आता सनीचा गदर-2 हा चित्रपट 11 ऑगस्ट 2023 रोजी प्रेक्षकांच्या भेटीस येणार आहे. अनिल शर्मा हे गदर-2 चित्रपटाचं दिग्दर्शन करणार आहेत. या चित्रपटात सनीसोबतच अमिषा पटेल देखील प्रमुख भूमिका साकारणार आहे. या चित्रपटात पुन्हा एकदा तारा सिंह आणि सकिना अर्थात सुपरस्टार सनी देओल, अमिषा पटेल यांची जोडी पाहायला मिळणार आहे. 22 वर्षांनंतर रिलीज होणाऱ्या गदरच्या या सिक्वेलची प्रेक्षक उत्सुकतेने वाट बघत आहेत.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
