Koffee With Karan 8 : करण जोहरच्या 'कॉफी विथ करण 8'च्या पहिल्या भागात सहभागी होणार बॉलिवूडचं पावरफुल कपल; 'या' दिवशी सुरू होणार शो

Koffee With Karan 8 : करण जोहरचा 'कॉफी विथ करण 8' हा कार्यक्रम लवकरच सुरू होत असून पहिल्याच भागात बॉलिवूडचं पावरफुल कपल सहभागी होणार आहे.

Koffee With Karan 8

Koffee With Karan 8 : करण जोहरचा (Karan Johar) 'कॉफी विथ करण 8' (Koffee With Karan 8) हा कार्यक्रम लवकरच प्रेक्षकांच्या भेटीला येणार आहे. आता या कार्यक्रमाच्या प्रीमियरची चाहते प्रतीक्षा करत आहे. या कार्यक्रमात कोण-कोणते सेलिब्रिटी सहभागी होणार हे जाणून घेण्याची प्रेक्षकांना उत्सुकता आहे. 'कॉफी विथ करण 8'च्या पहिल्याच भागात बॉलिवूडचं पावरफुल कपल सहभागी होणार आहे. 

'कॉफी विथ करण 8'च्या सेटवरील बीटीएस व्हिडीओ करण जोहरने काही दिवसांपूर्वी शेअर केला होता. या व्हिडीओमधील आयकॉनिक काऊच, ऑरेंज मग अशा सर्व गोष्टींनी प्रेक्षकांचं लक्ष वेधून घेतलं. आता या कार्यक्रमात सहभागी होणाऱ्या सेलिब्रिटींबद्दल जाणून घेण्याची प्रेक्षकांना उत्सुकता आहे. 

'कॉफी विथ करण 8'च्या पहिल्या भागात हजेरी लावणार बॉलिवूडचं 'हे' पावरफुल कपल

मीडिया रिपोर्टनुसार, 'कॉफी विथ करण 8'च्या पहिल्या भागात दीपिका पदुकोण (Deepika Padukone) आणि रणवीर सिंह (Ranveer Singh) हजेरी लावणार आहेत. काऊचवर बसून करण जोहरच्या प्रश्नांची उत्तरं देताना ते दिसणार आहेत. 'कॉफी विथ करण 8'च्या मंचावर दीपिका आणि रणवीर पहिल्यांदाच एकत्र दिसतील. दीपिका आणि रणवीरसोबत 'कॉफी विथ करण 8'ची सुरुवात करावी, अशी करणची इच्छा आहे.

'कॉफी विथ करण 8' कधी होणार सुरू?

करण जोहरने दीपिका आणि रणवीरसोबत 'कॉफी विथ करण 8'च्या पहिल्या भागाचं शूटिंग केलं असल्याचीही चर्चा आहे. 26 ऑक्टोबरपासून हा कार्यक्रम प्रेक्षकांच्या भेटीला येऊ शकतो. 'कॉफी विथ करण 8'च्या पहिल्या भागात दीपिका आणि रणवीर त्यांच्या नात्यासह अनेक गोष्टींवर भाष्य करताना दिसतील. 

'कॉफी विथ करण 8'मध्ये सहभागी होणार 'हे' सेलिब्रिटी

'कॉफी विथ करण 8'मध्ये कार्तिक आर्यन, रोहित शेट्टी, अजय देवगन, सारा अली खान, अनन्या पांडे, आलिया भट्ट, करीना कपूर, सिद्धार्थ मल्होत्रा आणि वरुण धवन हे सेलिब्रिटी सहभागी होऊ शकतात. 'कॉफी विथ करण 8' हा कार्यक्रम 26 ऑक्टोबर 2023 पासून डिज्नी प्लस हॉटस्टार या ओटीटी प्लॅटफॉर्मवर प्रेक्षक पाहू शकतात. 

संंबंधित बातम्या