Koffee With Karan 8: कॉफी विथ करणमध्ये माय-लेकाची जोडी; करिनाबद्दल सैफला करणचा तो अजब प्रश्न अन् झाला शॉक
कॉफी विथ करण-8 (Koffee With Karan 8) या कार्यक्रमाच्या प्रोमोमध्ये सैफ अली खान (Saif Ali Khan) आणि शर्मिला टागोर (Sharmila Tagore) ही आई आणि मुलाची जोडी मजेशीर विषयांवर गप्पा मारताना दिसत आहे.
Koffee With Karan 8: दिग्दर्शक करण जोहरचा (Karan Johar) कॉफी विथ करण या टॉक शोचा 8 सीझन (Koffee With Karan 8) गेल्या काही दिवसांपासून प्रेक्षकांच्या भेटीला येत आहे. या शोच्या आगामी एपिसोडची प्रेक्षक आतुरतेने वाट पाहत आहेत. अशातच करणने नुकताच सोशल मीडियावर कॉफी विथ करण या कार्यक्रमाच्या नव्या एपिसोडचा प्रोमो शेअर केला आहे. या प्रोमोमध्ये सैफ अली खान (Saif Ali Khan) आणि शर्मिला टागोर (Sharmila Tagore) ही बॉलिवूडमधील प्रसिद्ध आई आणि मुलाची जोडी मजेशीर विषयांवर गप्पा मारताना दिसत आहे.
करणच्या कॉफी विथ करणच्या शोमध्ये सैफ अली खान आणि शर्मिला टागोर हे हजेरी लावणार आहेत. ही आई-मुलाची जोडी शोमध्ये खूपच धमाल करताना दिसत आहे. ज्याची प्रोमोमध्ये झलक पाहायला मिळाली. प्रोमोच्या सुरुवातीला करण हा शर्मिला टागोर यांना "सपने की रानी" असं म्हणतो तर सैफला तो "नबाव" असं म्हणतो. यानंतर सैफ अली खान आणि शर्मिला टागोर काऊचवर बसतात. करण सैफला करिनाबाबत एक अजब प्रश्न विचारतो. करणचा अजब प्रश्न ऐकल्यानंतर सैफ थक्क होतो.
शर्मिला टागोर सांगितला सैफच्या कॉलेजमधील किस्सा
प्रोमोमध्ये दिसत आहे की, शर्मिला या सैफ अली खानच्या कॉलेजमधील एक किस्सा सांगतात. शर्मिला या म्हणतात, सैफ कॉलेजलाही जात नव्हता आणि एअर होस्टेसना बाहेर पाठवून तो कुठेतरी जायचा. यावर स्पष्टीकरण देताना सैफ म्हणतो की, या गोष्टी अतिशयोक्त केल्या जात आहेत. यानंतर सैफ गंमतीने म्हणतो की, "मला माझा वेगळा एपिसोड हवा आहे."
पाहा प्रोमो:
View this post on Instagram
कॉफी विथ करण या कार्यक्रमाच्या 8 व्या सीझनच्या गेल्या एपिसोडमध्ये अजय देवगण आणि रोहित शेट्टी यांनी हजेरी लावली होती. तसेच दीपिका पादुकोण,रणवीर सिंह, बॉबी देओल, सनी देओल, आलिया भट्ट, करीना कपूर,वरुण धवन,सिद्धार्थ मल्होत्रा, राणी मुखर्जी, काजोल, विकी कौशल, कियारा आडवणी,अर्जुन कपूर, आदित्य रॉय कपूर या सेलिब्रिटींनी देखील या शोमध्ये हजेरी लावली आहे.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
