Katrina Kaif,Vicky Kaushal: विकी-कतरिनानं अशी साजरी केली लग्नानंतरची पहिली दिवाळी; शेअर केली खास पोस्ट
Katrina Kaif,Vicky Kaushal : कतरिना आणि विकीनं लग्नानंतरची पहिली दिवाळी साजरी केली. दोघांनीही खास पोस्ट सोशल मीडियावर शेअर केली.
Katrina Kaif,Vicky Kaushal : अभिनेत्री कतरिना कैफ (Katrina Kaif) आणि अभिनेता विकी कौशल (Vicky Kaushal) यांचा विवाह सोहळा काही महिन्यांपूर्वी पडला. कतरिना आणि विकी एकमेकांसोबतचे रोमँटिक फोटो सोशल मीडियावर नेहमी शेअर करतात. राजस्थानच्या बरवारा येथील सिक्स सेन्सेस फोर्टमध्ये कतरिना आणि विकीने लग्नगाठ बांधली. त्यांच्या विवाह सोहळ्याचे फोटो कतरिना आणि विकीने सोशल मीडियावर शेअर केले होते. अगदी मोजक्या पाहुण्यांच्या उपस्थितीत विकी आणि कतरिनाचा विवाह सोहळा पार पडला. कतरिना आणि विकीनं लग्नानंतरची पहिली दिवाळी साजरी केली. दोघांनीही खास पोस्ट सोशल मीडियावर शेअर केली.
विकीनं शेअर केला लक्ष्मी पूजेचा फोटो
विकीनं लक्ष्मीपूजन करतानाचा फोटो सोशल मीडियावर शेअर केला आहे. या फोटोमध्ये विकी आणि कतरिना हे पूजा करताना दिसत आहेत. विकीनं या फोटोला कॅप्शन दिलं, 'घराच्या लक्ष्मीसोबत लक्ष्मीपूजन केले. सर्वांना दिवाळीच्या शुभेच्छा '
कतरिनानं शेअर केला विकीसोबतचा रोमँटिक फोटो
कतरिनानं विकीसोबतचे काही रोमँटिक फोटो शेअर करुन चाहत्यांना दिवाळीच्या शुभेच्छा दिल्या आहेत. या फोटोमध्ये कतरिना ही गोल्डन साडी आणि ज्वेलरी अशा लूकमध्ये तर विकी हा व्हाईट ट्रेडिशनल ड्रेसमध्ये दिसत आहे. दोघांच्या या फोटोला नेटकऱ्यांची पसंती मिळाली आहे.
पाहा फोटो:
View this post on Instagram
विकी आणि कतरिनाच्या लग्नाला नेहा धुपिया, अंगद बेदी, कबीर खान, मिनी माथूर, गुरदास मान आणि शर्वरी वाघ या सेलिब्रिटींनी हजेरी लावली होती. कतरिना लवकरच 'मेरी ख्रिसमस' आणि 'टायगर 3' या तिच्या आगामी चित्रपटांमधून प्रेक्षकांच्या भेटीस येणार आहे.
वाचा इतर महत्त्वाच्या बातम्या
Katrina Kaif : ... म्हणून मोजक्या पाहुण्यांच्या उपस्थितीत पार पडला विवाह सोहळा; कतरिनानं दिली माहिती
महत्त्वाच्या बातम्या
