Kangana Ranaut On Anant Radhika Pre Wedding Function : अंबानींनी बोलावलं नाहीतर स्वत:ची तुलना लता मंगेशकरांसोबत केली, नेटकऱ्यांनी कंगनाला सुनावले
Kangana Ranaut : अनंत-राधिकाच्या प्री-वेडिंग सोहळ्यात का हजर राहिली नाही, यावर भाष्य करताना कंगनाने लता मंगेशकर यांच्यासोबत स्वत: ची तुलना केली असल्याचे युजर्सने म्हटले.
Kangana Ranaut Latest News : रिलायन्सचे सर्वेसर्वा मुकेश अंबानी (Mukesh Ambani) यांचे धाकटे चिरंजीव अनंत अंबानी (Anant Ambani) आणि राधिका मर्चंट यांचा शाही प्री-वेडिंग सोहळा नुकताच पार पडला. या सोहळ्याला अभिनेत्री कंगणा रनौत (Kangana Ranaut) दिसली नाही. त्यामुळे तिला अंबानींनी आमंत्रण दिल्याची चर्चा नव्हती. कंगनाने आपल्या इन्स्टा स्टोरीवर या चर्चांवर सूचक पोस्ट केली. कंगनाच्या या इन्स्टा स्टोरीवर युजर्सने तिला सुनावले आहे.
कंगनाने इन्स्टा स्टोरीवर सूचक पोस्ट केली. यामध्ये तिने प्री-वेडिंग सोहळ्यात सहभागी न होण्याबाबत भाष्य केले. कंगनाने एका वृत्तपत्रात लता मंगेशकर यांना चांगल्या मानधनाची ऑफर असूनही त्यांनी खासगी कार्यक्रमास जाणे टाळले, याबाबतची ती बातमी होती. लता मंगेशकर यांची बातमी शेअर करत कंगनाने आपले म्हणणं मांडले.कंगनाने आपल्या इन्स्टास्टोरी पोस्ट मध्ये म्हटले की, 'मला आर्थिक अडचणींचा खूपच सामना करावा लागला. पण लताजी आणि मी असे दोनच लोक आहोत ज्यांची गाणी सर्वाधिक हिट झाली. (फॅशन का जलवा, लंडन ठुमकदा, विजय भव) पण मी कधीच कोणत्याही लग्न सोहळ्यात नाचली नाही. मला अनेक आयटम साँगही ऑफर झाले होते असेही कंगनाने म्हटले.
कंगनाने आपल्या पोस्टमध्ये पुढे म्हटले की, मी पुरस्कार सोहळ्यापासूनही दूर राहू लागली आहे. प्रसिद्धी आणि पैशाला नाही म्हणण्यासाठी एक मजबूत व्यक्तिमत्व आणि प्रतिष्ठा लागते. आजच्या शॉर्टकटच्या काळात तरुणांनी हे समजून घेण्याची गरज आहे की जे प्रामाणिक आहेत तेच पैसे कमवू शकतात असेही कंगनाने म्हटले.
कंगनावर युजर्सची सडकून टीका
कंगनाच्या या पोस्टनंतर युजर्सने तिच्यावर सडकून टीका केली आहे. काहींनी तिला थेट सुनावत, अंबानींनी तुला लग्नाचे आमंत्रण दिले नाही म्हणून तुझी तुलना लता मंगेशकरशी केलीस? आता दिलजीत म्हणजे काय आणि तू काय आहेस हे समजलं का? असेही तिला सुनावले.
तुझी ही इन्स्टा स्टोरी पोस्ट म्हणजे तू असुरक्षित आणि एकटी असल्याचा पुरावा असल्याचे एका युजरने म्हटले. तू तुझ्या कर्मामुळे एकटी पडली असल्याचे युजरने तिला सुनावले आहे. तुझा मुद्दा सिद्ध करण्यासाठी काय लिहिलं याने काही फरक पडत नाही, पण लता मंगेशकरांशी तुमची तुलना करणे थांबवा असेही युजरने म्हटले.
अंबानींच्या सोहळ्याला बॉलिवूडकरांनी केली धमाल
या सोहळ्यासाठी जे बॉलिवूड कलाकार उपस्थित होते, त्यांनी यामध्ये बरीच धम्माल केली. सलमान खान, शाहरुख खान आणि आमिर खान या तिघांनी एकत्र केलेला डान्स विशेष गाजला. अंबानी कुटुंबातील सदस्यांनीही कार्यक्रमात परफॉर्म केले. मेटा सीईओ मार्क झुकेरबर्ग, मायक्रोसॉफ्टचे संस्थापक बिल गेट्स आणि अमेरिकेचे माजी राष्ट्राध्यक्ष डोनाल्ड ट्रम्प यांची मुलगी आणि सल्लागार इवांका ट्रम्प यांनीही या सोहळ्यासाठी हजेरी लावली होती.
इतर संबंधित बातमी :
महत्त्वाच्या बातम्या
