Javed Akhtar : मुंबई हल्ल्याबाबत आरसा दाखवल्यावर पाकिस्तानी भडकले, जावेद अख्तर म्हणतात; ''तेव्हा तर...''
Javed Akhtar Statement on Mumbai Attack & Pakistan : बॉलिवूडचे (Bollywood) प्रसिद्ध गीतकार आणि लेखक जावेद अख्तर (Javed Akhtar) यांनी पाकिस्तानबाबत केलेलं वक्तव्य सध्या चर्चेचा विषय ठरला आहे.
Javed Akhtar Reaction on Statement : बॉलिवूडचे (Bollywood) प्रसिद्ध गीतकार आणि लेखक जावेद अख्तर (Javed Akhtar) यांनी पाकिस्तान (Pakistan) आणि मुंबई दहशतवादी हल्ल्याबाबत (26/11 Terrorist Attack) केलेलं वक्तव्य सध्या चर्चेचा विषय ठरला आहे. अख्तर यांनी पाकिस्तानात जाऊन तेथील लोकांना आरसा दाखवला, त्याची जोरदार चर्चा आहे. जावेद अख्तर यांचं भारतीयांकडून भरपूर कौतुक होत आहे पण, पाकिस्तानी जनतेकडून टीकांचा भडीमार झाल्याचं पाहायला मिळत आहे. पाकिस्तानी जनता सोशल मीडियावर अख्तर यांच्यावर निशाणा साधताना दिसत आहे. जावेद अख्तर यांच्या वक्तव्यावर टाळ्या वाजवणारा पाकिस्तानी गायक अली जफर सोशल मीडियावर ट्रोल होत आहे.
जावेद अख्तर यांनी पाकिस्तानी नागरिकांना दाखवला आरसा
पाकिस्तानमध्ये आयोजित फैज फेस्टिव्हलमध्ये जावेद अख्तर यांनी हजेरी लावली होती. या कार्यक्रमातील जावेद अख्तर यांच्या भाषणाचं कौतुक करणाऱ्या पाकिस्तानी प्रेक्षकांना आता लक्ष्य केलं जात आहे. पाकिस्तानी आपल्याच लोकांवर टीका करत आहेत. पाकिस्तानामध्ये (Pakistan) आयोजित करण्यात आलेल्या एका कार्यक्रमात लेखक जावेद अख्तर (Javed Akhtar) यांनी हजेरी लावली. या कार्यक्रमामध्ये जावेद अख्तर यांनी मुंबईतील दहशतवादी हल्ल्याबाबत केलेल्या वक्तव्याने सर्वांचं लक्ष वेधलं आहे. याचा व्हिडीओही सोशल मीडियावर व्हायरल होत आहे.
पाहा व्हिडीओ : जावेद अख्तर यांचं व्हायरल वक्तव्य
वाह! शानदार @Javedakhtarjadu बहुत खूब... 👏🙌👏#JavedAkhtarInPakistan pic.twitter.com/snbXKCKmGf
— Dr. Syed Rizwan Ahmed (@Dr_RizwanAhmed) February 21, 2023
''तेव्हा या लोकांनी टाळ्या वाजवल्या''
या प्रकरणावर जावेद अख्तर यांनी पहिल्यांदाच प्रतिक्रिया दिली आहे. त्यांनी म्हटलं आहे की, "तेव्हा या उपस्थित सर्व पाकिस्तानी नागरिकांना माझ्या वक्तव्यावर टाळ्या वाजवल्या होत्या. ते माझ्याशी सहमत होते. असे अनेक लोक आहेत ज्यांना भारत आवडतो आणि त्यांना भारतीयांशी नातं हवं आहे." दरम्यान, व्हायरल व्हिडीओमध्ये, जेव्हा जावेद अख्तर पाकिस्तानी नागरिकांसमोर मुंबई हल्ल्याबाबत वक्तव्य करत पाकिस्तानला जबाबदार ठरवलं. तेव्हा तिथे बसलेले प्रेक्षक टाळ्या वाजवत असल्याचं दिसत आहे.
''मुंबई हल्ल्याचे सूत्रधार अजूनही पाकिस्तानात मोकाट''
पाकिस्तानमधील कार्यक्रमामध्ये जावेद अख्तर यांनी पाकिस्तानच्या नागरिकांना आरसा दाखवला आहे. यावेळी जावेद अख्तर यांनी म्हटलं की, "आम्ही मुंबईकर आहोत. आमच्या शहरावर हल्ला झाला ते आम्ही पाहिलं. त्या हल्ल्याचे सूत्रधार अजूनही तुमच्या देशात खुलेआम फिरत आहेत. एखाद्या भारतीयाने याबद्धल विचारलं तर वाईट वाटून घेऊ नका." जावेद अख्तर यांचं हे वक्तव्य सध्या प्रचंड चर्चेत आहे.
महत्त्वाच्या इतर बातम्या :
महत्त्वाच्या बातम्या
