IIFA 2023 Viral Video: सलमानच्या सिक्युरिटी गार्डनं चक्क विकी कौशलला ढकललं; व्हिडीओ व्हायरल, नेटकरी म्हणाले...
सलमान खान (Salman Khan) आणि विकी कौशल (Vicky Kaushal) यांचा एक व्हिडीओ सोशल मीडियावर व्हायरल झाला आहे. या व्हिडीओमध्ये सलमानचा सिक्युरिटी गार्ड हा विकीला ढकलताना दिसत आहे.
IIFA 2023 Viral Video: लवकरच अबूधाबीमध्ये आयफा 2023 (IIFA 2023) पुरस्कार सोहळा पार पडणार आहे. आयफा 2023 या पुरस्कार सोहळ्याला अनेक स्टार्स उपस्थित राहणार आहेत. नुकतीच IIFA 2023 पुरस्कार सोहळ्याची एक पत्रकार परिषद पार पडली. या पत्रकार परिषदेला अभिनेता सलमान खान (Salman Khan) आणि विकी कौशल (Vicky Kaushal) यांनी हजेरी लावली होती. नुकताच सलमान आणि विकीचा या पत्रकार परिषदेमधील एक व्हिडिओ व्हायरल झाला आहे. या व्हिडीओमध्ये सलमान खानचा सिक्युरिटी गार्ड हा विकी कौशलला ढकलताना दिसत आहे. तसेच सलमान देखील विकीकडू दुर्लक्ष करताना दिसत आहे.
सलमान खान आणि विकी कौशल यांच्या व्हायरल व्हिडिओमध्ये दिसत आहे की, विकी कौशल चाहत्यांसोबत सेल्फी काढत आहे, त्याच दरम्यान सलमानचा ताफा तिथे पोहोचतो. सलमान हा अनेक बॉडीगार्ड्ससोबत तिथे येतो. त्या दरम्यान, विकी सलमानला शेक हँड करण्याचा प्रयत्न करतो मात्र सलमान खान त्याच्याकडे दुर्लक्ष करतो. त्यानंतर सलमानचा सिक्युरिटी गार्ड विकीला ढकलतो.
विकी आणि सलमान यांचा हा व्हिडीओ सोशल मीडियावर प्रचंड व्हायरल होत आहे. या व्हिडीओला कमेंट करुन काही नेटकऱ्यांनी सलमानच्या वागणुकीवर टीका केली आहे. व्हायरल व्हिडीओला एका नेटकऱ्यानं कमेंट केली, 'विकी हा सलमानला शेक हँड करत होता पण भाईनं इग्नोर केलं' तर दुसऱ्या युझरनं कमेंट केली, 'हा जर विकी कौशल आहे का? जर असेल तर त्याला का बाजूला केले? दोघेही एकमेकांना भेटू शकले असते.'
पाहा व्हिडीओ:
No matter who you are, you have to clear the path when Tiger is on his way.
— MASS (@Freak4Salman) May 25, 2023
The persona of #SalmanKhan 🔥 pic.twitter.com/pRSB7iwQ82
सलमान आणि विकीचे आगामी चित्रपट
सलमान खान हा लवकरच टायगर-3 या चित्रपटामधून प्रेक्षकांच्या भेटीस येणार आहे. या चित्रपटात सलमानसोबतच कतरिना कैफ देखील प्रमुख भूमिका साकारणार आहे. तर विकी कौशलचा 'जरा हटके जरा बचके' हा चित्रपट 2 जून रोजी प्रेक्षकांच्या भेटीस येणार आहे. विकी आणि सारा अली खानसोबतच या चित्रपटात राकेश बेदी, शारीब हाश्मी, नीरज सूद हे कलाकार देखील प्रमुख भूमिका साकारणार आहेत. या चित्रपटाची प्रेक्षक उत्सुकतेने वाट बघत आहेत.
संबंधित बातम्या
महत्त्वाच्या बातम्या
ट्रेंडिंग न्यूज
