Hema Malini Dharmendra : धर्मेंद्र यांच्याशी लग्न करण्यासाठी एका कारणाने हेमा मालिनीचा सुद्धा होता विरोध!, म्हणाल्या,"ते चांगले होते, पण..."

Hema Malini Dharmendra : धर्मेंद्र आणि हेमा मालिनी बॉलिवूडमधील लोकप्रिय कपलपैकी एक आहेत. पण खरंतर धर्मेंद्र यांच्यासोबत लग्नबंधनात अडकण्यास हेमा मालिनी आधी तयार नव्हत्या.

Hema Malini Dharmendra

Hema Malini Dharmendra : बॉलिवूडचे दिग्गज अभिनेते धर्मेंद्र (Dharmendra) आणि 'ड्रीम गर्ल' हेमा मालिनी (Hema Malini) ही बॉलिवूडची लोकप्रिय जोडी आहे. दोघांचाही मोठा चाहतावर्ग आहे. रुपेरी पडद्यावर दोघांनीही आपल्या अभिनयाने प्रेक्षकांची मने जिंकली आहेत. त्यांच्या लव्हस्टोरीचे किस्सेदेखील चांगलेच लोकप्रिय आहेत. हेमा मालिनी यांच्यासोबत लग्न करण्यासाठी धर्मेंद्र काहीही करायला तयार होते. पण तरीही हेमा मालिनी यांना धर्मेंद्र यांच्यासोबत लग्न करायचं नव्हतं. 

हेमा मालिनीने स्वत:चं केला खुलासा

सिमी गरेवालच्या कार्यक्रमात हेमा मालिनीने धर्मेंद्रबद्दलच्या नात्याबद्दल भाष्य केलं आहे. हेमा मालिनी म्हणाल्या,"धर्मेंद्रवर माझं प्रेम असलं तरी त्याच्यासोबत लग्न करण्यासाठी सुरुवातीला मी तयार नव्हते. धर्मेंद्र दिसायला खूप चांगला होता. पण म्हणून मी त्याच्यासोबत लग्न करण्यासाठी तयार होते असं नाही. उलट मी विचार करायचे की, जर मला संसार थाटायचा असेल तर मी धर्मेंद्रसारख्या एका व्यक्तीचा विचार करेल".

हेमा मालिनीने खुलासा केला की,"धर्मेंद्र आणि मी अनेक सिनेमांत एकत्र काम केलं आहे. या सिनेमाच्या शूटिंगदरम्यान आमची मैत्री अधिक घट्ट झाली. त्यावेळी धर्मेंद्रने अचानक मला पुन्हा एकदा लग्नासाठी विचारलं. मीदेखील त्यावेळी काहीही विचार न करता लगेचच लग्नासाठी होकार दिला".

हेमा मालिनी अन् धर्मेंद्र यांची फिल्मी लव्हस्टोरी (Hema Malini Dharmendra Love Story)

हेमा मालिनी आणि धर्मेंद्र यांची पहिली भेट 1970 रोजी 'तुन हसीन मैं जवान' या सिनेमाच्या सेटवर झाली. त्यावेळी धर्मेंद्र यांचं एक लग्न झालं होतं. पण या सिनेमाच्या सेटवर हेमा मालिनी आणि धर्मेंद्र एकमेकांच्या प्रेमात पडले. अखेर 1980 मध्ये ते लग्नबंधनात अडकले.

हेमा मालिनी आणि धर्मेंद्र यांचं नातं अभिनेत्रीच्या वडिलांना मान्य नव्हतं. धर्मेंद्र त्यांना पसंत नव्हते. हेमा मालिनी आणि धर्मेंद्र यांच्या प्रेमाच्या चर्चा सुरू झाल्या तेव्हा त्यांच्यासोबत कुटुंबातील काही सदस्य शूटवर उपस्थित असायचे. हेमा मालिनी यांच्यासोबत अनेकदा त्यांचे वडील सेटवर यायचे. पण तरीही धर्मेंद्र यांनी माघार घेतली नाही. पुढे सगळी  बंधन झुगारत दोघांनी 1980 मध्ये लग्नगाठ बांधली. हेमा मालिनी आणि धर्मेंद्र यांचे सिनेमे आजही चाहते आवडीने पाहतात. काही दिवसांपूर्वी धर्मेंद्र यांची प्रकृती खालावली होती. पण आता त्यांच्या प्रकृतीत सुधारणा होत आहे. 

संबंधित बातम्या