Gulshan Grover: बॉलिवूड अभिनेते माझीच कॉपी करतात; अभिनेते गुलशन ग्रोव्हर यांचं वक्तव्य चर्चेत!
गुलशन यांनी एका मुलाखतीमध्ये सांगितलं की, त्याचे जवळचे मित्र जॅकी श्रॉफ, संजय दत्त आणि सुनील शेट्टी यांच्यामुळे काही प्रोजेक्ट्स त्याच्याकडून काढून घेण्यात आले.
Gulshan Grover: बॉलिवूडमधील प्रसिद्ध अभिनेता गुलशन ग्रोव्हर (Gulshan Grover) यांच्या अभिनयाला प्रेक्षकांची नेहमी पसंती मिळते. अनेक बॉलिवूड चित्रपटांमध्ये गुलशन यांनी खलनायकाची भूमिका साकारली आहे. गुलशन ग्रोव्हर यांनी एका मुलाखतीत सांगितले की, सुनील शेट्टी (Suniel Shetty) आणि सैफ अली खान (saif ali khan) हे खलनायकाची भूमिका साकारण्यापूर्वी त्यांचे लूक कॉपी करतात आणि त्यांचे चित्रपट बघतात. याशिवाय गुलशन म्हणाले की, त्याचे जवळचे मित्र जॅकी श्रॉफ, संजय दत्त आणि सुनील शेट्टी यांच्यामुळे काही प्रोजेक्ट्स त्याच्याकडून काढून घेण्यात आले.
झूमला दिलेल्या एका मुलाखतीत गुलशनला जेव्हा विचारण्यात आले की न्यू एज व्हिलनपैकी तुमचा आवडता खलनायक कोण आहे, तेव्हा ते म्हणाला- “ प्रत्येकजण माझे चित्रपट बघतात आणि स्टुडिओत तसं काम करतात. त्यामुळे कोण आवडते असू शकते.” गुलशन पुढे म्हणाले की, 'जॅकी, सुनील आणि संजय यांनी माझ्यासारख्या भूमिका साकारण्यास सुरुवात केली.'
पुढे ते म्हणाले- “सैफच्या घरी माझे 100 फोटो असतील. रोज माझा फोटो बघून तो विचार करत असेल की दाढी कशी? लावायची काजळ कसे लावायचे? अजून काय करावे? मी काय करू? सुनील शेट्टीने गुलशन ग्रोव्हर नावाची वेगळी लायब्ररी आणि फोटोजचे सेक्शन बनवले असेल. अलीम हकीमकडे संपूर्ण स्क्रॅपबुक असेल. तो स्वत: माझे चित्रपट पाहतो आणि त्यांना सांगतही नाही की तो गुलशन ग्रोवरची स्टाइल कॉपी करतोय.”
खलनायक भूमिकेबद्दल 2013 मध्ये झालेल्या एका मुलाखतीमध्ये गुलशन यांनी सांगितले होते, 'अजीत (खान) आणि अमरीश पुरी हे ज्येष्ठ कलाकार चित्रपटामध्ये खलनायकांची भूमिका अत्यंत चांगल्या पद्धतीने साकारतात. '
गुलशन ग्रोवर यांनी हिट चित्रपटांमध्ये केलं काम
गुलशन ग्रोवर यांनी राम लखन, अवतार, हेरा फेरी आणि गँगस्टर या हिट चित्रपटामध्ये गुलशन ग्रोव्हर यांनी खलनायकाची भूमिका साकारली. खिलाडी, सौदागर, कुर्बान, अनाडी, राजा बाबू, मोहरा, राजा की आएगी बारात, हेरा फेरी, कौन कितना पानी में, सडक 2 आणि सूर्यवंशी या चित्रपटांमध्ये देखील त्यांनी काम केलं आहे. लवकरच त्यांचा इंडियन 2 हा तमिळ चित्रपट प्रेक्षकांच्या भेटीस येणार आहे.
वाचा इतर महत्त्वाच्या बातम्या:
महत्त्वाच्या बातम्या
