एक्स्प्लोर

Gadima Puraskar 2021 : जेष्ठ अभिनेते नाना पाटेकर यांना जाहीर झाला यावर्षीचा 'गदिमा पुरस्कार'

Gadima Puraskar : यावर्षीचा गदिमा पुरस्कार जेष्ठ अभिनेते नाना पाटेकर यांना जाहीर करण्यात आला आहे.

Written By : एबीपी माझा वेब टीम | Edited By: मंजिरी पोखरकर | Updated at : 07 Dec 2021 05:23 PM (IST)

Gadima_Puraskar_2021

Gadima Puraskar 2021 : ज्येष्ठ अभिनेते आणि सामाजिक कार्यकर्ते नाना पाटेकर यांना यंदाचा म्हणजेच 2021 चा गदिमा पुरस्कार जाहीर करण्यात आला आहे. 14 डिसेंबरला गदिमा यांची 44 वी पुण्यतिथी आहे. त्यामुळे 14 डिसेंबरला पुण्यातील यशवंतराव चव्हाण नाट्यगृहात नाना पाटेकर यांना 'गदिमा पुरस्कार' प्रदान करण्यात येणार आहे. गदिमा प्रतिष्ठानकडून देण्यात येणाऱ्या गृहिणी सखी सचिव पुरस्कार अभिनेत्री निवेदिता सराफ यांना जाहीर झाला आहे.

ज्येष्ठ संगीतकार कौशल इनामदार यांना चैत्रबन पुरस्कार जाहीर करण्यात आला आहे. त्याचबरोबर गदिमा प्रतिष्ठानतर्फे दिला जाणारा प्रज्ञा पुरस्कार नवोदित गायिका रश्मी मोघे यांना जाहीर करण्यात आला आहे. गीतरामायणकार गदिमा उर्फ गजानन दिगंबर माडगूळकर यांची 14 डिसेंबर रोजी 44 वी पुण्यतिथी आहे. यानिमित्त गदिमा प्रतिष्ठानतर्फे दिला जाणारा गदिमा पुरस्कार यावर्षी ज्येष्ठ अभिनेता आणि सामाजिक कार्यकर्ते नाना पाटेकर यांना प्रदान करण्यात येणार आहे.

सामाजिक कार्याची आवड असलेले नाना पाटेकर 'नाम' फाउंडेशनच्या माध्यमातून सामाजिक कार्य जोपासत आहेत. मनोरंजन सिनेसृष्टीसह समाजातील त्यांच्या योगदानासाठी 'गदिमा पुरस्कार' त्यांना प्रदान करण्यात येणार आहे. या पुरस्काराचे स्वरूप 21 हजार रुपये आणि सन्मानचिन्ह असे असणार आहे. या बरोबरच शालांत परीक्षेत मराठी विषयात सर्वाधिक गुण प्राप्त 13 विध्यार्थ्यांना गदिमा पारितोषिक देण्यात येणार आहे.

संबंधित बातम्या